මෙහෙමත් හොර කල්ලියක් (ඡායාරූප)

යතුරුපැදි සොරාගන්නා සංවිධානාත්මක කල්ලියක සාමාජිකයන් දෙදෙනෙකු අත්අඩංගුවට පත්වෙයි. සැකකරුවන් අත්අඩංගුවට ගෙන ඇත්තේ පානදුර නොවිසඳුණු අපරාධ ඒකකය විසින්.

පොලිසියට ලද තොරතුරක් මත අළුබෝමුල්ල ප්‍රදේශයේ දී සැකකරුවෙකු කොටුකර ගැනීමට පොලිසිය සමත්ව තිබේ. එහි දී යතුරු පැදියක් හා අමතර කොටස් තොගයක් හමුව ඇත. විමර්ශන අනුව දෙවන සැකකරු කොටුකරගෙන තිබේ.  

ඔවුන්ගෙන් කළ ප්‍රශ්න කිරීම් වලදී තවත් යතුරු පැදි  10ක් ද මහරගම ප්‍රදේශයේ අමතර කොටස් අලෙවිසලක් බිඳ සොරාගන්නා ලද ලක්ෂ 4කට අධික වටිනාකමක් ඇති අමතර කොටස් තොගයක් ද සොයාගෙන තිබේ.

සොරාගන්න ලද ඇතැම් යතුරුපැදි කොටස් කර සඟවා තබා ඇත්තේ පිළියන්දල කහතුඩුව ප්‍රදේශයේය.

ඊට අමතරව සැකකරුවන් විසින් අලෙවිකර තිබූ - ලක්ෂ 50කට අධික වටිනාකමක් සහිත යතුරුපැදි අමතර කොටස් ද පොලිසිය භාරයට ගෙන තිබේ.  









(ඡායාරූප - ඉන්දික මනෝජ් කුරේ)