අයි. ඕ.සී. තෙල් මිල වැඩි කරන්න අවසර ඉල්ලයි

ප්‍රෙටල් සහ ඩීසල් මිල ඉහළ දැමීමට ලංකා අයි. ඕ.සී. සමාගම රජයෙන් ඉල්ලීමක් කර තිබෙනවා.

එම සමාගම හිරු ප්‍රවෘත්ති අංශයට සඳහන් කළේ ඩීසල් ලීටරයක් සඳහා වූ නිෂ්පාදන බද්ද රජය රුපියල් 10 කින් පසුගියදා ඉහළ දැමීම හේතුවෙන් මෙම ඉල්ලීම සිදුකළ බවයි.

මීට පෙර ඩීසල් ලීටරයක් සඳහා නිෂ්පාදන බද්ද පැවතුණේ රුපියල් 3ක් ලෙසයි.

එය ඉහළ  දැමීම නිසා තම නිෂ්පාදන පිරිවැය සියයට 56 කින් වැඩිවී ඇති බවයි ලංකා අයි. ඕ.සී.  සමාගමේ කළමනාකාර අධ්‍යක්‍ෂ ශ්‍යාම් බෝරා හිරු ප්‍රවෘත්ති අංශයට සඳහන් කළේ.

පෙට්‍රල් සඳහා වන නිෂ්පාදන බදු වැඩි නොකළත්  ඩීසල් සඳහා කළ බදු වැඩි කිරීම නිසා එම නිෂ්පාදන කටයුතු සඳහාද යම් බලපෑම් එල්ලවන බව ඔහු කියා සිටියා.

මේ සම්බන්ධයෙන්  හිරු ප්‍රවෘත්ති අංශය ඛනිජ තෙල් සහ පෙට්‍රෝලියම් වායු පිළිබඳ අමාත්‍ය චන්දිම වීරක්කොඩිගෙන් විමසීමක් කළා.  

ඔහු කියා සිටියේ ගැටළු කිහිපයක් සම්බන්ධයෙන් සාකච්ඡා කිරීමට බව පවසමින් ලංකා අයි. ඕ.සී. සමාගම තමන්ගෙන් සාකච්ඡාවක් සඳහා දිනයක් ඉල්ලා ඇති බවයි.