විල්පත්තු අභය භූමිය අසලින් කේරළ ගංජා කිලෝ 200 ක්

%E0%B7%80%E0%B7%92%E0%B6%BD%E0%B7%8A%E0%B6%B4%E0%B6%AD%E0%B7%8A%E0%B6%AD%E0%B7%94+%E0%B6%85%E0%B6%B7%E0%B6%BA+%E0%B6%B7%E0%B7%96%E0%B6%B8%E0%B7%92%E0%B6%BA+%E0%B6%85%E0%B7%83%E0%B6%BD%E0%B7%92%E0%B6%B1%E0%B7%8A+%E0%B6%9A%E0%B7%9A%E0%B6%BB%E0%B7%85+%E0%B6%9C%E0%B6%82%E0%B6%A2%E0%B7%8F+%E0%B6%9A%E0%B7%92%E0%B6%BD%E0%B7%9D+200+%E0%B6%9A%E0%B7%8A

විල්පත්තු අභය භූමිය ආසන්න ප්‍රදේශයකදී කේරළ ගංජා කිලෝ 200 ක් සමග පුද්ගලයන් තුන්දෙනෙකු පොලිස් අත්අඩංගුවට ගෙන තිබෙනවා.

අද පස්වරු 3 ට පමණ කල්පිටිය පොලිසියට ලැබුනු තොරතුරකට අනුව කළ වැටලීමකදීයි මෙම ගංජා තොගය හමුවී ඇත්තේ.

විල්පත්තු අභය භූමිය ආසන්න කොලන්කනත්ත ප්‍රදේශයේ පලු ගස් දෙකක ගැට ගසා රඳවා තිබු ගෝනි 7 ක මෙම කේරළ ගංජා තොගය තිබී ඇතැයි සඳහන්.

ඒවා ඉන්දියාවේ සිට මෙරටට රැගෙන ආ ඒවා බවටයි හෙළිවී ඇත්තේ.

අත්අඩංගුවට ගත් සැකකරුවන් අවුරුදු 45 / 32 සහ 29 වයස්වල පසුවන්නන් අතර ඔවුන් කල්පිටිය ප්‍රදේශයේ පදිංචිකරුවන් බව පොලිසිය ප්‍රකාශ කළා.

සැකකරුවන් හෙට පුත්තලම මහේස්ත්‍රාත් අධිකරණයට ඉදිරිපත් කිරිමට නියමිතයි.