පුංචි අම්මාගේ දුවත් සමඟ මස්කෙළිය ඔය ළඟ දී අතුරුදන් වූ මහේන්ද්‍ර (ඡායාරූප)

මස්කෙලිය ඔයට පැන සිය දිවි හානි කර ගත් බවට සැක කෙරෙන ඥාති සහෝදරයෙකු සහ සහෝදරියක සොයා නාවික හමුදාව මෙහෙයුම් ආරම්භ කර තිබෙනවා.

පෙරේදා සිට අතුරුදන් වී ඇති බවට මොවුන්ගේ ඥාතීන් මස්කෙළිය පොලීසියට පැමිණිලි කර තිබූ අතර, මොවුන් දෙදෙනා ගමන් ගත් කැබ් රථයක් මස්කෙලිය - ගාඩිමෝර් මාර්ගයේ නතර කර තිබියදී සොයා ගනු ලැබුවා.

මෙලෙස අතුරුදන්ව ඇත්තේ මහේන්ද්‍ර නමැති 28 හැවිරිදි තරුණයෙකු සහ ඔහුගේ පුංචි අම්මාගේ දියණියක වන 18 හැවිරිදි පරෙමිෂ්වරි මහාලේචිචමි නමැති  තරුණියක්.

අදාළ තරුණයා රියදුරෙකු ලෙස සේවය කර ඇති අතර, ඔහු නැති වූ දුරකථනයක් සම්බන්ධයෙන් පැමිණිලි කිරීම සඳහා පොලීසියට යන බව පවසා සිය නැඟනිය සමඟ පෙරේදා නිවසින් පිටව ගොස් තිබෙනවා.

මොවුන්ගේ බවට සැක කෙරෙන පාවහන් මස්කෙළිඔයේ අතු ශාඛාවක් වන බාග්‍රඔය ඇළ අසළ තිබී අද උදෑසන සොයා ගෙන ඇති අතර එම ස්ථානයෙන් ඇළට පැන මීට පෙර පුද්ගලයින් සියදිවි හානිකරගෙන ඇති බවයි අප වාර්තාකරු සඳහන් කළේ.

 

ඡායාරූප - හැටන්, රංජිත් රාජපක්ෂ