19න් පහළ කාන්තා 20යි 20 ලෝක කුසලානයේ අවසන් තරගය අද

අවුරුදු 19න් පහළ පන්දුවාර 20යි 20 කාන්තා ලෝක කුසලාන ක්‍රිකට් තරගාවලියේ අවසන් මහා තරගය අද (02) පැවැත්වීමට නියමිතයි.

මැලේසියාවේ ක්වාලාලාම්පූර්හි දී පැවැත්වෙන මෙම තරගය දහවල් 12ට ( ශ්‍රී ලංකා වෙලාවෙන්) ආරම්භ වීමට නියමිත බව සඳහන්.

අවසන් තරගය සඳහා ඉන්දියානු 19න් පහළ කණ්ඩායම සහ දකුණු අප්‍රිකානු 19න් පහළ කාන්තා කණ්ඩායම තරග වදින අතර මෙම තරගයේ ඇති විශේෂත්වය නම් මෙම කණ්ඩායම් දෙකම අපරාජිතව තරග වැදීමයි.

මීට පෙර පැවති පළමු 19න් පහළ 20යි 20 ලෝක කුසලානයේ ශූරතාවය දිනා ගත්තේ ඉන්දියානු කණ්ඩායම විසින්.