විපක්ෂයේ ප්‍රබලයකුගෙන් රිෂාඩ් ඇතුළු 04කට දොස්

%E0%B7%80%E0%B7%92%E0%B6%B4%E0%B6%9A%E0%B7%8A%E0%B7%82%E0%B6%BA%E0%B7%9A+%E0%B6%B4%E0%B7%8A%E2%80%8D%E0%B6%BB%E0%B6%B6%E0%B6%BD%E0%B6%BA%E0%B6%9A%E0%B7%94%E0%B6%9C%E0%B7%99%E0%B6%B1%E0%B7%8A+%E0%B6%BB%E0%B7%92%E0%B7%82%E0%B7%8F%E0%B6%A9%E0%B7%8A+%E0%B6%87%E0%B6%AD%E0%B7%94%E0%B7%85%E0%B7%94+04%E0%B6%9A%E0%B6%A7+%E0%B6%AF%E0%B7%9C%E0%B7%83%E0%B7%8A

මහාචාර්ය ජී එල් පීරිස්ගේ නිවසේදී පසුගිය දා පැවැති සාකච්ඡාවකට ගිය විපක්ෂයේ පක්ෂ නායකයින් කිහිප දෙනෙකුට විපක්ෂයේ ප්‍රබලයකු විසින් දොස් පවරා ඇතැයි දේශපාලන අභ්‍යන්තර ආරංචි මාර්ගවලින් වාර්තා වෙනවා.

මෙම රැස්වීමට පැමිණි රිෂාඩ් බදියුදීන් මන්ත්‍රීවරයා ප්‍රකාශ කර ඇත්තේ එම ප්‍රබලයා විසින් තමන් ඇතුළු තවත් කිහිප දෙනෙකුට දොස් පැවරූ බවයි.

මහාචාර්ය ජී. එල්. පීරිස්ගේ නිවසේ පවත්වන මෙම රැස්වීම තුළින් විපක්ෂයේ අනෙකුත් පක්ෂවලට සහ විපක්ෂයේ මෙම ප්‍රබලයාගේ දේශපාලන කටයුතුවලට බාධා වීමට ඉඩ ඇති නිසා ඊට සහභාගි වීමෙන් වැළකී සිටින ලෙසට එම ප්‍රබලයා විසින් දොස් පවරමින් අවවාද කර ඇති බවද වාර්තාවෙනවා.

දේශපාලන ආරංචි මාර්ගවලින් වාර්තා වන්නේ මෙසේ අවවාද කර ඇත්තේ රවුෆ් හකීම්, මනෝ ගනේෂන් , පී .දිගම්බරම් හා රිෂාඩ් බදියුදීන් යන මන්ත්‍රීවරුන්ටයි.

මේ පිළිබඳව එම රැස්වීමේදී රිෂාඩ් බදියුදීන් මන්ත්‍රීවරයා ප්‍රකාශ කර ඇති බවද දේශපාලන අභ්‍යන්තර ආරංචි මාර්ගවලින් වැඩිදුරටත් වාර්තා වෙනවා.