යතුරුපැදියෙන් යමින් සිටි තරුණියගේ ලැම අත ගා දුරකතනය කොල්ල කාලා

යතුරුපැදියකින් යමින් සිටි තරුණියකගේ මග හරස් කර ඇගේ ලැම ප්‍රදේශය ස්පර්ෂ කර ජංගම දුරකතනය පැහැරගත් බවට පැමිණිල්ලක් ලැබුණු බව ගෝනපීනුවල පොලිසිය පවසනවා.

සිද්ධිය වී තිබෙන්නේ පෙරේදා (27) රාත්‍රී 11ට පමණ තරුණිය වැඩ ඇරී තම යතුරුපැදියෙන් නිවසට පැමිණෙමින් සිටිය දී ගෝනපීනුවල බේරතුඩුව මාර්ගයේ යි.

ඇගේ යතුරුපැදිය හරස් කර නැවැත් වූ තවත් යතුරුපැදියක පැදිකරුවෙක් ඉන් බැස විත් ක්ෂණිකව ඇගේ පපු ප්‍රදේශය ස්පර්ශ කර තිබෙනවා.

ඉන් දැඩි සේ බියට පත් වූ තරුණිය වහා ඇගේ ජංගම දුරකතනය ගෙන තම පෙම්වතාට ඇමතුමක් ලබා ගැනීමට උත්සාහ කරන අතරතුර යතුරුපැදිකරු විසින් එම දුරකතනය උදුරාගෙන ඔහු පැමිණි යතුරුපැදියේ නැගී වේගයෙන් පලාගොස් ඇතැයි පොලිසිය පවසනවා.

පැහැරගත් ජංගම දුරකතනයේ වටිනාකම රුපියල් 144,000/- ක් වන බවද පැමිණිල්ලේ සඳහන්.

සිද්ධිය සම්බන්ධයෙන් මෙතෙක් කිසිවකු අත්අඩංගුවට ගෙන නොමැති බවත්, සැකකරු අත්අඩංගුවට ගැනීම සඳහා පරීක්ෂණ සිදු කරන බවත් ගෝනපීනුවල පොලිසිය කියනවා.