රනිල්ගෙන් මහින්දට දුරකථන ඇමතුමක්

ශ්‍රී ලංකාවේ පස්වෙනි විධායක ජනාධිපති, ශ්‍රී ලංකා පොදුජන පෙරමුණේ නායක මහින්ද රාජපක්ෂගේ උපන් දිනය අද(18)ට යෙදී තිබෙනවා.

අද උදෑසන සිටම මහින්ද රාජපක්ෂ හිටපු ජනාධිපතිවරයාට දේශපාලනඥයින් රැසක්ම දුරකථනයෙන් සුබ පතා ඇති බව වාර්තා වෙනවා.

මේ අතර හිටපු ජනාධිපති, එක්සත් ජාතික පක්ෂයේ නායක රනිල් වික්‍රමසිංහද වනවා.

ඔහුද මහින්ද රාජපක්ෂට සුබ පතමින් වර්තමාන දේශපාලන තත්ත්වය සම්බන්ධයෙන්ද දුරකථනයෙන් කෙටි අදහස් හුවමාරුවක නිරත වී ඇති බව වාර්තාවනවා.

මේ වන විට මහින්ද රාජපක්ෂ හිටපු ජනාධිපතිවරයා මහනුවර බලා පිටත්ව ගොස් ඇති අතර එහිදී ශ්‍රී දළදා මාළිගාවේ ආගමික වතාවත්වලට ද අද දින සහභාගි වීමට නියමිත බවද වාර්තා වනවා.