2026 සිංහල සහ දමිළ අලුත් අවුරුදු නැකැත් සීට්ටුව ප්‍රකාශයට පත් කෙරේ

2026+%E0%B7%83%E0%B7%92%E0%B6%82%E0%B7%84%E0%B6%BD+%E0%B7%83%E0%B7%84+%E0%B6%AF%E0%B6%B8%E0%B7%92%E0%B7%85+%E0%B6%85%E0%B6%BD%E0%B7%94%E0%B6%AD%E0%B7%8A+%E0%B6%85%E0%B7%80%E0%B7%94%E0%B6%BB%E0%B7%94%E0%B6%AF%E0%B7%94+%E0%B6%B1%E0%B7%90%E0%B6%9A%E0%B7%90%E0%B6%AD%E0%B7%8A+%E0%B7%83%E0%B7%93%E0%B6%A7%E0%B7%8A%E0%B6%A7%E0%B7%94%E0%B7%80+%E0%B6%B4%E0%B7%8A%E2%80%8D%E0%B6%BB%E0%B6%9A%E0%B7%8F%E0%B7%81%E0%B6%BA%E0%B6%A7+%E0%B6%B4%E0%B6%AD%E0%B7%8A+%E0%B6%9A%E0%B7%99%E0%B6%BB%E0%B7%9A

මෙවර සිංහල සහ දමිළ අලුත් අවුරුදු උත්සවය වෙනුවෙන් පොදු එකඟතාව මත සකස් කරන ලද නිල නැකැත් සීට්ටුව රජයේ ප්‍රවෘත්ති දෙපාර්තමේන්තුව විසින් ප්‍රකාශයට පත් කර තිබෙනවා.

ඒ අනුව අලුත් අවුරුදු උදාව අප්‍රේල් මස 14 වැනි අඟහරුවාදා පූර්වභාග 09.32 ට සිදුවේ.

පුණ්‍ය කාලය යෙදී ඇත්තේ අප්‍රේල් 14 වැනි අඟහරුවාදා පූර්වභාග 03.08 සිට අපරභාග 03.56 දක්වායි.

ආහාර පිසීමේ නැකත අප්‍රේල් 14 වැනි අඟහරුවාදා පූර්වභාග 10.51 ට යෙදී තිබෙනවා.

වැඩ ඇල්ලීම, ගනුදෙනු කිරීම සහ ආහාර අනුභවය අප්‍රේල් 14 වැනි අඟහරුවාදා අපරභාග 12.06 ට යෙදී ඇති බව සඳහන්.

හිස තෙල් ගෑම අප්‍රේල් 15 වැනි බදාදා පූර්වභාග 06.55ට යෙදී තිබෙනවා.

හදිසි රාජකාරි සඳහා අප්‍රේල් 17 වැනි සිකුරාදා පූර්වභාග 05.38ට උතුරු දිශාව බලා පිටත් වීම සුදුසු බවයි සඳහන් වන්නේ.

රැකි රක්ෂා සඳහා පිටත්ව යාම අප්‍රේල් 20 වැනි සඳුදා පූර්වභාග 6.27ට දකුණ දිශාව බලා හෝ පූර්වභාග 6.50ට නැගෙනහිර දිශාව බලා පිටත් වීම සුදුසු බවද සඳහන්.

එමෙන්ම පැළ සිටුවීමේ නැකත යෙදී ඇත්තේ අප්‍රේල් 23 වැනි බ්‍රහස්පතින්දා පූර්වභාග 09.01ට උතුරු දිශාව බලා සුදුසු බවද දැක්වෙනවා.

මෙවර නැකැත් සීට්ටුව විද්වත් මණ්ඩලයක පොදු එකඟතාව මත සකස් කර ඇති අතර, සාම්ප්‍රදායික චාරිත්‍ර ඉටු කිරීම සඳහා ජනතාවට ප්‍රමාණවත් කාලයක් ලැබෙන පරිදි මෙය සකසා ඇති බවද සඳහන්.