පසුපසට ධාවනය කළ කන්ටේනරයට හසුවී සහායකයා ජීවිතක්ෂයට

%E0%B6%B4%E0%B7%83%E0%B7%94%E0%B6%B4%E0%B7%83%E0%B6%A7+%E0%B6%B0%E0%B7%8F%E0%B7%80%E0%B6%B1%E0%B6%BA+%E0%B6%9A%E0%B7%85+%E0%B6%9A%E0%B6%B1%E0%B7%8A%E0%B6%A7%E0%B7%9A%E0%B6%B1%E0%B6%BB%E0%B6%BA%E0%B6%A7+%E0%B7%84%E0%B7%83%E0%B7%94%E0%B7%80%E0%B7%93+%E0%B7%83%E0%B7%84%E0%B7%8F%E0%B6%BA%E0%B6%9A%E0%B6%BA%E0%B7%8F+%E0%B6%A2%E0%B7%93%E0%B7%80%E0%B7%92%E0%B6%AD%E0%B6%9A%E0%B7%8A%E0%B7%82%E0%B6%BA%E0%B6%A7

නාවලපිටිය නගර මධ්‍යයේ පිහිටි සුපිරි වෙළඳසලකට භාණ්ඩ රැගෙන ආ කන්ටේනර් රථයකට යටවීමෙන් එහි සහායකයා අවාසනාවන්ත ලෙස අද (01) පෙරවරුවේ ජීවිතක්ෂයට පත්ව ඇති බව නාවලපිටිය පොලිසිය පවසනවා.

පොලිසිය පවසන පරිදි, කුරුණෑගල ප්‍රදේශයේ සිට අදාළ සුපිරි වෙළඳසලට ආහාර ද්‍රව්‍ය රැගෙන පැමිණි මෙම කන්ටේනර් රථය, එහි ගබඩාව වෙත ඇතුළු කිරීම සඳහා ප්‍රධාන මාර්ගයේ සිට පසුපසට (Reverse) ධාවනය කර තිබෙනවා.

එම අවස්ථාවේදී රථයේ සහායකයා ලෙස කටයුතු කළ තරුණයා, රථයේ පසුපස කොටස සහ ගබඩාවේ බිත්තිය අතර වූ පටු ඉඩෙහි සිරවී ඇති බවයි පොලිසිය සඳහන් කළේ.

ඒ අනුව, බරපතළ තුවාල ලැබූ ඔහු එම ස්ථානයේදීම ජීවිතක්ෂයට පත්ව තිබෙනවා.

මියගිය රිය සහායකයා වයස අවුරුදු 24ක් වන අයෙක් බවත්, ලොරි රථයේ රියදුරා අත්අඩංගුවට ගෙන ඇති බවත් නාවලපිටිය පොලිසිය සඳහන් කළා.