විජේට චන්ද්‍රිකාගෙන් සුබ පැතුම්

තමිල්නාඩු ප්‍රාන්තයේ මහ ඇමතිවරයා ලෙස තේරී පත්වූ TVK පක්ෂයේ නායක සී. ජෝසප් විජේ (C. Joseph Vijay) වෙත හිටපු ශ්‍රී ලංකා ජනාධිපතිනි චන්ද්‍රිකා බණ්ඩාරනායක කුමාරතුංග සිය සුබ පැතුම් පිරිනමා තිබෙනවා.

2026 මැයි 06 දිනැති ලිපියක් යොමු කරමින් ඇය, විජේගේ ජයග්‍රහණය "විශිෂ්ට ජයග්‍රහණයක්" ලෙස හඳුන්වා දුන් අතර ඔහුගේ නායකත්වය යටතේ ශ්‍රී ලංකාව සහ තමිල්නාඩුව අතර පවතින මිත්‍රශීලී සබඳතා තවදුරටත් ඉදිරියට පවතිනු ඇතැයි බලාපොරොත්තුව පළ කර තිබෙනවා.

"තමිල්නාඩුව සහ ශ්‍රී ලංකාව අතර පවතින දීර්ඝකාලීන සහ සුහද සබඳතාව මම සතුටින් සිහිපත් කරන අතර, ඔබේ පාලනය යටතේ අපගේ අඛණ්ඩ මිත්‍රශීලී සබඳතාව අපේක්ෂා කරමි," යැයි ඇය සිය සුබ පැතුම් පණිවිඩයේ සඳහන්කර තිබෙනවා.