බොරැල්ලේදී තියුණු ආයුධයකින් පහරදී තරු‍ණයෙක් ඝාතනය කරයි

%E0%B6%B6%E0%B7%9C%E0%B6%BB%E0%B7%90%E0%B6%BD%E0%B7%8A%E0%B6%BD%E0%B7%9A%E0%B6%AF%E0%B7%93+%E0%B6%AD%E0%B7%92%E0%B6%BA%E0%B7%94%E0%B6%AB%E0%B7%94+%E0%B6%86%E0%B6%BA%E0%B7%94%E0%B6%B0%E0%B6%BA%E0%B6%9A%E0%B7%92%E0%B6%B1%E0%B7%8A+%E0%B6%B4%E0%B7%84%E0%B6%BB%E0%B6%AF%E0%B7%93+%E0%B6%AD%E0%B6%BB%E0%B7%94%E2%80%8D%E0%B6%AB%E0%B6%BA%E0%B7%99%E0%B6%9A%E0%B7%8A+%E0%B6%9D%E0%B7%8F%E0%B6%AD%E0%B6%B1%E0%B6%BA+%E0%B6%9A%E0%B6%BB%E0%B6%BA%E0%B7%92

බොරැල්ල පොලිස් වසමට අයත් හල්ගහවත්ත ප්‍රදේශයේදී තියුණු ආයුධයකින් පහරදී ඊයේ (03) පුද්ගලයකු ඝාතනය කර ඇතැයි බොරැල්ල පොලිසිය පවසනවා.

පහරදීමෙන් බරපතල තුවාල ලැබූ පුද්ගලයා කොළඹ ජාතික රෝහලට ඇතුළත් කර ඇති අතර, එහිදී ප්‍රතිකාර ලබමින් සිටියදී ඔහු මියගොස් ඇතැයි ද පොලිසිය සඳහන් කරනවා.

මෙලෙස ජීවිතක්ෂයට පත්ව ඇත්තේ බොරැල්ල ප්‍රදේශයේ පදිංචි 33 හැවිරිදි වියේ පසුවූ පුද්ගලයෙක්.

පොලිසිය විසින් සිදුකරන ලද මූලික විමර්ශනවලදී අනාවරණය වී ඇත්තේ මරණකරු සහ පහරදීම සිදු කළ පුද්ගලයා අතර කළක පටන් පැවති පෞද්ගලික ආරවුලක් දුරදිග යාම හේතුවෙන් මෙම ඝාතනය සිදුව ඇති බවයි.

ඝාතනයට සම්බන්ධ සැකකරුවන් දැනට ප්‍රදේශයෙන් පළාගොස් ඇති අතර, ඔවුන් අත්අඩංගුවට ගැනීම සඳහා බොරැල්ල පොලිස් ස්ථානයේ නිලධාරීන් කණ්ඩායමක් වැඩිදුර විමර්ශන කටයුතු මෙහෙයවනු ලබනවා.