පන්සලේ ශබ්දාගාරය බින්ද අයෙක් අත්අඩංගුවට

පාදුක්ක මාදුළුවාව ශ්‍රී සුධර්මාරාම විහාරස්ථානයේ කවි බණ පටිගත කරන ශබ්දාගාරයක් බිඳ එහි තිබූ රුපියල් ලක්ෂ 15ක් පමණ වටිනා පරිගණක ඇතුළු පටිගත කිරීමේ උපාංග රැසක් සොරා ගත් පුද්ගලයයෙකු අත්අඩංගුවට ගත් බව පාදුක්ක පොලිසිය පවසනවා.

එම විහාරස්ථානයේ හිමිනමක් විසින් පාදුක්ක පොලිසියට කරන ලද පැමිණිල්ලකට අනුව සිදුකළ පරීක්‍ෂණයකදී බස්නාහිර පළාත් බුද්ධි අංශය ලබා දුන් තොරතුරකට අනුවයි එම සැකකරු අත්අඩංගුවට ගෙන ඇත්තේ.

මෙලෙස අත්අඩංගුවට ගෙන ඇත්තේ, පාදුක්ක වටරැක ජයමුතුගම ප්‍රදේශයේ පදිංචි තිස් හය හැවිරිදි දෙදරු පියෙක්.

භාණ්ඩ සොරා ගැනීමෙන් අනතුරුව මෙම භාණ්ඩ පුද්ගලයෙකුට විකුණා තිබියදී සොයා ගැනීමට හැකි වී තිබෙනවා.

සැකකරු අයිස් මත්ද්‍රව්‍යවලට දැඩි ලෙස ඇබ්බැහි වූ පුද්ගලයෙකු බවත්, අත්අඩංගුවට ගන්නා අවස්ථාවේදී සැකකරු සතුව අයිස් මත්ද්‍රව්‍ය තිබූ බවත්, පාදුක්ක පොලිසිය සඳහන් කරනවා.

සැකකරු හෝමගම ම⁣හේස්ත්‍රාත් අධිකරනය වෙත ඉදිරිපත් කිරීමට නියමිතයි.