යතුරුපැදි අනතුරු දෙකකින් දෙ‍දෙනෙකුට දිවි අහිමි වෙයි

%E0%B6%BA%E0%B6%AD%E0%B7%94%E0%B6%BB%E0%B7%94%E0%B6%B4%E0%B7%90%E0%B6%AF%E0%B7%92+%E0%B6%85%E0%B6%B1%E0%B6%AD%E0%B7%94%E0%B6%BB%E0%B7%94+%E0%B6%AF%E0%B7%99%E0%B6%9A%E0%B6%9A%E0%B7%92%E0%B6%B1%E0%B7%8A+%E0%B6%AF%E0%B7%99%E2%80%8D%E0%B6%AF%E0%B7%99%E0%B6%B1%E0%B7%99%E0%B6%9A%E0%B7%94%E0%B6%A7+%E0%B6%AF%E0%B7%92%E0%B7%80%E0%B7%92+%E0%B6%85%E0%B7%84%E0%B7%92%E0%B6%B8%E0%B7%92+%E0%B7%80%E0%B7%99%E0%B6%BA%E0%B7%92

දිවයිනේ ප්‍රදේශ දෙකකදී සිදුවූ අනතුරු දෙකකින් යතුරුපැදිකරුවන් දෙදෙනෙක් ඊයේ (13) සවස ජීවිතක්ෂයට පත්ව ඇතැයි පොලිස් මුලස්ථානය පවසනවා.

අතුරුගිරිය සහ මාතලේ පොලිස් වසම්වලින් වාර්තා වූ මෙම අනතුරුවලින් එක් ස්ථානයකදී සිව් හැවිරිදි කුඩා දරුවෙකු ද තුවාල ලබා රෝහල්ගත කර ඇති බවයි පොලිසිය සඳහන් කරන්නේ.

අතුරුගිරිය පොලිස් වසමේ අතුරුගිරිය - ගොඩගම මාර්ගයේ පනාගොඩ ප්‍රදේශයේදී සිදුවු අනතුරකින් බරපතල තුවාල ලැබූ පැදිකරු ප්‍රතිකාර සඳහා හෝමාගම රෝහලට ඇතුළත් කිරීමෙන් පසු මියගොස් ඇතැයි පොලිසිය පවසනවා.

මෙලෙස මරණයට පත්ව ඇත්තේ වයස අවුරුදු 48ක් වූ පනාගොඩ ප්‍රදේශයේම පදිංචිකරුවෙක්.

අතුරුගිරිය දෙසට ධාවනය වෙමින් තිබූ යතුරුපැදිය, මාර්ගය හරහා පැන ඇති සුනඛයෙකු ගැටීමෙන් මෙම අනතුර සිදුව ඇති බවවත්, එහිදී යතුරුපැදිය පෙරළී ගොස් ඇති බවත් විමර්ශනවලදී හෙළිවූ බව පොලිසිය පවසනවා.

මේ අතර මාතලේ පොලිස් වසමේ ඒ 09 මාර්ගයේ දඹුල්ල දෙසට ධාවනය වූ යතුරුපැදියක්, එම දෙසටම ධාවනය වෙමින් තිබූ ගෑස් සිලින්ඩර පටවන ලද රථයක ගැටීමෙන් තවත් අනතුර සිදුව තිබෙනවා.

අනතුර හේතුවෙන් යතුරුපැදිකරු එම ස්ථානයේදීම ජීවිතක්ෂයට පත්ව ඇති අතර, අනතුර සිදුවන අවස්ථාවේදී යතුරුපැදියේ ගමන් ගත් වයස අවුරුදු 04ක් වන කුඩා දරුවෙකු තුවාල ලබා ප්‍රතිකාර සඳහා මාතලේ රෝහලට ඇතුළත් කර තිබෙනවා.

අනතුරින් මියගොස් ඇත්තේ එම ප්‍රදේශයේ පදිංචිව සිටි වයස අවුරුදු 74ක පුද්ගලයෙක්.