සලේගේ බිරිඳගේ ආයාචනයට සහනයක් දෙන්නැයි අස්ගිරි මහ නාහිමියන්ගෙන් ජනපතිට ලිපියක්

විශ්‍රාමික මේජර් ජෙනරාල් සුරේෂ් සලේ පිළිබඳව ඔහුගේ බිරිය වන මනෝරි සලේ විසින් ඉදිරිපත් කළ ආයාචනයක් සම්බන්ධයෙන් අවධානය යොමු කර සුදුසු සහනයක් ඉටු කරදෙන ලෙස ඉල්ලමින් අස්ගිරි පාර්ශ්වයේ මහ නායක වරකාගොඩ ශ්‍රී ඥානරතන නාහිමියෝ ජනපති අනුර කුමාර දිසානායක වෙත ලිපියක් යොමුකර තිබෙනවා.

විශ්‍රාමික මේජර් ජනරාල් සුරේෂ් සලේ පිළිබඳව ඔහුගේ බිරිඳ වන මනෝරි සලේ විසින් අස්ගිරි මහා විහාරයට ගොස් කළ ආයචනයක් මත මෙම ලිපිය යොමු කළ බව වාර්තා වනවා.

පසුගිය (08) වැනිදා මේජර් ජනරාල් සුරේෂ් සලේගේ බිරිඳ අස්ගිරි මහා විහාරයට පැමිණ තමන් වහන්සේ හමුවී ආයාචනයක් ඉදිරිපත් කරමින් ඇගේ ස්වාමියා හට සහනයක් ලබා දීමට සහාය වන ලෙස ඉල්ලීමක් කළ බව එම ලිපියේ දක්වා තිබෙනවා.

ඒ අනුව ඇයගේ ආයාචනය සඳහන් ලිපියේ පිටපතක්ද සිය ලිපිය සමග ඇමුණුමක් ලෙස ඉදිරිපත් කරන බව ආචාර්ය වරකාගොඩ ධම්මසිද්ධි හිමියන්ගේ ලිපියේ සඳහන්.

එම ආයාචනය සම්බන්ධයෙන් අවධානයට යොමු කොට සුදුසු සහනදායී කටයුත්තක් ඉටු කර දෙන ලෙසයි එහි වැඩි දුරටත් දක්වා ඇත්තේ.