යාපනයේ අයෙකුගේ මත් ජාවාරමෙන් ඉපැයූ දේපළක් තහනම් කෙරේ

%E0%B6%BA%E0%B7%8F%E0%B6%B4%E0%B6%B1%E0%B6%BA%E0%B7%9A+%E0%B6%85%E0%B6%BA%E0%B7%99%E0%B6%9A%E0%B7%94%E0%B6%9C%E0%B7%9A+%E0%B6%B8%E0%B6%AD%E0%B7%8A+%E0%B6%A2%E0%B7%8F%E0%B7%80%E0%B7%8F%E0%B6%BB%E0%B6%B8%E0%B7%99%E0%B6%B1%E0%B7%8A+%E0%B6%89%E0%B6%B4%E0%B7%90%E0%B6%BA%E0%B7%96+%E0%B6%AF%E0%B7%9A%E0%B6%B4%E0%B7%85%E0%B6%9A%E0%B7%8A+%E0%B6%AD%E0%B7%84%E0%B6%B1%E0%B6%B8%E0%B7%8A+%E0%B6%9A%E0%B7%99%E0%B6%BB%E0%B7%9A

හෙරොයින් මත්ද්‍රව්‍ය සමඟ අත්අඩංගුවට ගත් සැකකරුවෙකු විසින් නීති විරෝධී ලෙස උපයා ගන්නා ලද රුපියල් ලක්ෂ 16කට ආසන්න වටිනාකමකින් යුත් දේපළ සහ වත්කම් සමූහයක් මුදල් විශුද්ධිකරණය වැළැක්වීමේ පනත යටතේ තහනමට ලක් කර ඇතැයි පොලිස් මූලස්ථානය පවසනවා.

මෙම සැකකරුවාව හෙරොයින් මත්ද්‍රව්‍ය ද සමඟින් පොලිස් අත්අඩංගුවට ගෙන තිබුණේ ඉකුත් පෙබරවාරි මස 26 වැනිදා බව පොලිසිය පවසනවා.

මෙම සැකකරු 42 හැවිරිදි වියේ පසුවන යාපනය, අරියාලය ප්‍රදේශයේ පදිංචිකරුවෙක්. අත්අඩංගුවට ගැනීමෙන් අනතුරුව සැකකරු නීති විරෝධී ලෙස උපයා ගන්නා ලද වත්කම් හා දේපළ සම්බන්ධයෙන් විශේෂ විමර්ශනයක් ආරම්භ කර තිබූ බවයි පොලිසිය පවසන්නේ.

ඒ අනුව මුදල් විශුද්ධිකරණය වැළැක්වීමේ පනත යටතේ සිදු කරන ලද විමර්ශනවලින් පසු සැකකරු සතු රුපියල් හයලක්ෂ අනූපන්දාස් නමසිය පනහක් වටිනා ඩිංගි බෝට්ටුවක්, එම බෝට්ටු එන්ජිම සහ රුපියල් ලක්ෂ නවයක් පමණ වටිනා යතුරුපැදි දෙකක් මෙලෙස තහනමට ලක් කර ඇති බවයි පොලිසිය සඳහන් කරන්නේ.

මෙම සැකකරු සහ ඔහු සතු වත්කම් සම්බන්ධයෙන් යාපනය කොට්ඨාස අපරාධ විමර්ශන කාර්යාංශය මඟින් වැඩිදුර විමර්ශන කටයුතු සිදු කරනු ලබනවා.