International20 June 2026

කියුබාව සමාජවාදී ආර්ථිකයෙන් නිදහස් වෙළෙඳපොළට: දැවැන්ත පෞද්ගලීකරණයකට අනුමැතිය

අමෙරිකාව පනවා ඇති දැඩි සම්බාධක හමුවේ ආර්ථිකය බේරාගැනීමේ අරමුණින්, කියුබාවේ සමාජවාදී ආර්ථිකයේ විශාල කොටසක් පෞද්ගලීකරණය කිරීම සඳහා වන දැවැන්ත ප්‍රතිසංස්කරණ මාලාවකට කියුබානු පාර්ලිමේන්තු මන්ත්‍රීවරුන් ඒකමතිකව අනුමැතිය ලබා දී තිබෙනවා.

කොමියුනිස්ට් පක්ෂයේ සහ හිටපු නායක රාවුල් කැස්ත්‍රෝගේ පූර්ණ සහයෝගය ඇතිව සම්මත වූ මෙම ප්‍රතිසංස්කරණ ක්‍රියාත්මක වුවහොත්, එය 1959 වසරේ ෆිදෙල් කැස්ත්‍රෝගේ විප්ලවයෙන් පසු කියුබාවේ සමාජවාදී ආර්ථික ආකෘතියේ සිදුවන විශාලතම වෙනස මෙන්ම නිදහස් වෙළෙඳපොළ ආර්ථිකයක් කරා යන ප්‍රධානතම හැරවුම් ලක්ෂ්‍යයද වනු ඇති.

මෙමඟින් කියුබාව තුළ පෞද්ගලික දේපළ සංවර්ධනයට ඉඩ සැලසෙන අතර, රාජ්‍ය සතු ව්‍යාපාර පෞද්ගලික වාණිජ ව්‍යාපාර බවට පරිවර්තනය කිරීමටත්, කලින් රජය සතුව පමණක් පැවති මූල්‍ය ක්ෂේත්‍රයට පෞද්ගලික බැංකුවලට ඇතුළු වීමටත් අවස්ථාව හිමිවනවා.
Related recommendation
Hiru TV News | Programmes