මාදැල් ධීවරයින්, ජනපති කාර්යාලය ඉදිරිපිට විරෝධතාවක

සිය කර්මාන්තය කරගෙනයාමට අදාළව නිසි වැඩපිළිවෙළක් හෝ තීරණයක් මේ දක්වා ප්‍රකාශයට පත් නොකිරීම හේතුවෙන් මාදැල් ධීවරයින් පිරිසක් මේ වනවිට ජනාධිපති කාර්යාලය ඉදිරිපිට සත්‍යග්‍රහයක් ආරම්භ කර තිබෙනවා.

සමස්ත ලංකා මාදැල් සංගමය විසින් මෙම සත්‍යග්‍රහය ආරම්භ කර ඇති බවයි හිරු වාර්තාකරු සඳහන් කළේ.

මීට පෙරද මාදැල් ධීවරයින් ජනාධිපති ලේකම් කාර්යාලය ඉදිරිපිට විරෝධතාවයක නිරත වූයේ සිය කර්මාන්තය කරගෙන යාමට අදාළ වැඩපිළිවෙලක් රජය විසින් ප්‍රකාශයට පත් නොකිරීම හේතුවෙන්.

කෙසේ වෙතත්, එහිදී ඔවුන් විසිර ගියේ මාස කිහිපයක් ඇතුළත සිය ගැටලුවලට විසඳුම් ලබාදෙන බවට බලධාරීන් දුන් පොරොන්දුව මතයි.