General01 July 2026

ආහාර දෙන්න ගිය අයෙකුට හීලෑ අලියෙක් පහර දී මරා දාලා

කරලියැද්ද ප්‍රදේශයේදී හීලෑ අලියෙකු පහරදීම හේතුවෙන් ඊයේ (30) රාත්‍රීයේදී පුද්ගලයෙක් ජීවිතක්ෂයට පත්ව ඇතැයි මැණික්හින්න පොලිසිය පවසනවා.

අලියෙකු පහරදීමෙන් පුද්ගලයෙක් මියගොස් ඇතැයි පොලිසියට ලද තොරතුරුක් මත පොලිසිය එම ස්ථානයට යන විටත් එම පුද්ගලයා මරණයට පත්ව සිටි බවයි වාර්තා වන්නේ.

මෙසේ මියගොස් ඇත්තේ මැණික්හින්න ප්‍රදේශයේ පදිංචිව සිටි වයස අවුරුදු 61ක් වූ පුද්ගලයෙක්.

පොලිසිය විසින් සිදුකරන ලද මූලික විමර්ශනවලදී අනාවරණය වී ඇත්තේ, මරණකරු එම හීලෑ අලියාට ආහාර ලබා දීමට ගිය අවස්ථාවේදී මෙම පහරදීම සිදු කර ඇති බවයි.

සිද්ධිය සම්බන්ධයෙන් මැණික්හින්න පොලිසිය වැඩිදුර විමර්ශන කටයුතු සිදු කරනවා.
Related recommendation
Hiru TV News | Programmes