භූමි තෙල් යොදා ධාවනය කළ බස් රථ පහක් කොටු

භූමි තෙල් යොදා ධාවනය කළ බස් රථ වැටලීමේ මෙහෙයුමකදී පුද්ගලික බස් රථ පහක් පොලිසිය විසින් අද (7) අත්අඩංගුවට ගෙන තිබෙනවා.

රත්නපුර දිස්ත්‍රික් හා රත්නපුර පොලිස් මූලස්ථාන ය රථවාහන අංශයේ ස්ථානාධිපති ප්‍රධාන පොලිස් පරීක්ෂක රුවන් ධර්මපාල මහතාගේ ප්‍රධානත්වයෙන් යුත් පොලිස් කණ්ඩායමක් විසින් වැටලීම් සිදුකර තිබෙනවා.

රත්නපුර නගරය කේන්ද්‍ර කර ගනිමින් භූමිතෙල් යොදා ධාවනය වූ පුද්ගලික බස් රථ පහක් පොලිසියේ බාරයට ගැනීමට හැකිවූ බව රත්නපුර දිස්ත්‍රික්ක හා රත්නපුර පොලිස් මූලස්ථාන රථවාහ අංශයේ ස්ථානාධිපති ප්‍රධාන පොලිස් පරීක්ෂක රුවන් ධර්මපාල පවසනවා .


ඔහු පවසන්නේ රථයේ නිෂ්පාදකයා විසින් නියම කරන ලද ඉන්ධන වර්ගය හැර වෙනත් ඉන්ධන යොදා හෝ මිශ්‍ර කර හෝ ධාවනය කිරීම සම්පූර්ණයෙන් නීති විරෝධී බවයි .

භූමිතෙල් වලින්ම හෝ ඩීසල් එක්ව කලවම් කර හෝ ධාවනය කිරීමේදී ඉන් පිටවන්නේ විසඳුමක් බවත් එම දුම මනුෂ්‍ය ශරීරයට හා පරිසරයට විශාල හානියක් සිදු කරන බව පොලිස් පරීක්ෂකවරයා පවසනවා.

එසේම මෙවන් බස් රථ ධාවනයේදී සිදුවන අනතුරකදී වහා ගිනි ගැනීමේ ප්‍රවණතාවක් ඇති බවත් අනතුරක් නොවී හෝ ගිනි ගැනීමටත් බොහෝ ඉඩකඩ ඇති බවත් ඔහු වැඩිදුරටත් පවසනවා.

බස් රථ වලට භුමිතෙල් යෙදීම තුළින් බස් රථවල යාන්ත්‍රික කොටස්වලටද දැඩි හානි පැමිණෙන බවත් ඒවා නැවත ගෙන්වීමට විශාල මුදලක් වැය කිරීමට සිදුවන බවත් ඔහු තවදුරටත් පවසා සිටිනවා .

මෙම බස් රථ පරීක්ෂාව තුළින් රත්නපුර නගරය කේන්ද්‍ර කර ගනිමින් දාවනය වන කෙටි දුර බස් රථ බොහෝමයක ටයර් ගෙවී ගොස් තිබූ බවත් ෙම බස් රථ ධාවනය වන්නේ කඳු පල්ලන් සහිත ප්‍රදේශවල බවත් පවසන ඒ මහතා එඅයටද විරුද්ධව නීතිය ක්‍රියාත්මක කරන බවයි පවසා සිටියේ.