කතරගම ඇසළ පෙරහැරේ දෙවැනි දිනය අදයි

රුහුණු කතරගම දේවාලයේ වාර්ෂික ඇසළ පෙරහැර ඊයේ (15) රාත්‍රියේ ආරම්භ කෙරුණා.

අද පෙරහැරේ දෙවන දිනය වන අතර පුරා දින 15ක් , මෙම පෙරහැර පැවැත්වීමට නියමිතයි.

රුහුණු මහා කතරගම ඇසළ පෙරහැර මංගල්‍යයේ පළමු පෙරහැර ඊයේ රාත්‍රී 8.15ට යෙදුණු සුභ මොහොතින් වීදි සංචාරය කෙරුණා.

මෙවර පෙරහැර මංගල්‍යයේ කතරගම දේව ප්‍රතිමාව වැඩම කරවිම සිදු කෙරුණේ වාසනා හස්තියා මතින්.

උඩරට පහතරට සංස්කෘතිකාංග රැසකින් මෙවරත් රුහුණු මහා කතරගම ඇසළ පෙරහැර විචිත්‍රවත්වුණා.

පෙරහැර දැක බලා ගැනීම සඳහා විශාල ජනතාවත් මෙවරත් පැමිණ සිටියා.

ප්‍රධාන වීදිය ඔස්සේ ගමන් කළ පෙරහැර වල්ලි අම්මා දේවාලයට ගෙවැද එහි පුරාණ පුද සිරිත් ඉටු කිරීමෙන් පෙරහැර අවසන් කෙරුණා