"ට්‍රම්ප්ගේ අත්සන ශුන්‍යයි, කිසිදු වටිනාකමක් නෑ" - ඉරාන උත්තරීතර නායකයාගෙන් දැඩි ප්‍රකාශයක්

ඉරානයේ උත්තරීතර නායක මොජ්තබා ඛමේනි විසින් නිකුත් කරන ලද ලිඛිත ප්‍රකාශයකින් අමෙරිකානු ජනාධිපති ඩොනල්ඩ් ට්‍රම්ප් දැඩි ලෙස විවේචනයට ලක් කර තිබෙනවා.

ඉරාන උත්තරීතර නායකයා පවසන්නේ අමෙරිකාව සහ ඉරානය අතර පසුගිය මාසයේදී අත්සන් කරන ලද 14 වැදෑරුම් සාම අවබෝධතා ගිවිසුම අමෙරිකාව දිගින් දිගටම උල්ලංඝණය කිරීම හේතුවෙන්, ජනාධිපති ඩොනල්ඩ් ට්‍රම්ප්ගේ අත්සන "කිසිදු වටිනාකමක් හෝ විශ්වාසනීයත්වයක් නොමැති ශුන්‍ය එකක්" බවට පත්ව ඇති බවයි.

එමෙන්ම, මහා සාතන් සිය මුහුණුවර වසා තිබූ වෙස්මුහුණ ගලවා දමා එහි සැබෑ ස්වරූපය නැවත වරක් හෙළි කර ඇති බවත් අපරාධ සහ වංචනිකභාවය පිළිබඳ මෙම අඳුරු අත්දැකීම, අමෙරිකාවේ අසත්‍යය, අතාර්කිකත්වය, විශ්වසනීයත්වයක් නොමැතිකම සහ දුෂ්ටකම සහතික කරන තවත් එක් ස්ථිර ලේඛනයක් ලෙස ඉතිහාසයට එක් කර ඇති බව ද ඉරාන උත්තරීතර නායකයා පවසනවා.