ඩෙංගු රෝගීන් 80,000 පනී: මරණ 59 දක්වා ඉහළට

වසරේ මේ දක්වා වාර්තා වී ඇති සමස්ත ඩෙංගු රෝගීන් සංඛ්‍යාව 80,114ක් දක්වා ඉහළ ගොස් තිබෙනවා.

එමෙන්ම මේ දක්වා වාර්තා වූ ඩෙංගු මරණ සංඛ්‍යාව 59 දක්වා ඉහළ ගොස් ඇති බවයි ජාතික ඩෙංගු මර්ධන ඒකකය විසින් නිකුත් කළ නවතම නිවේදනයේ දැක්වෙන්නේ.

මේ අතර ඊයේ (23) දිනය තුළ පමණක් නව ඩෙංගු රෝගීන් 1,098 දෙනෙකු ද හඳුනාගෙන තිබෙනවා.

ඒ අනුව සමස්ත රෝගීන්ගෙන් සියයට 47කට අධික ප්‍රමාණයක් බස්නාහිර පළාතෙන් වාර්තාවන අතර, ගම්පහ දිස්ත්‍රික්කයෙන් රෝගීන් 16 950ක්, කොළඹ දිස්ත්‍රික්කයෙන් 16021ක් සහ කළුතර දිස්ත්‍රික්කයෙන් රෝගීන් 5242ක් ලෙස වාර්තා වනවා.