හොරණ කර්මාන්ත ශාලාවක සේවය කළ ඉන්දීය ජාතික තරුණයෙක් නිව්මෝනියාවෙන් මරුට

%E0%B7%84%E0%B7%9C%E0%B6%BB%E0%B6%AB+%E0%B6%9A%E0%B6%BB%E0%B7%8A%E0%B6%B8%E0%B7%8F%E0%B6%B1%E0%B7%8A%E0%B6%AD+%E0%B7%81%E0%B7%8F%E0%B6%BD%E0%B7%8F%E0%B7%80%E0%B6%9A+%E0%B7%83%E0%B7%9A%E0%B7%80%E0%B6%BA+%E0%B6%9A%E0%B7%85+%E0%B6%89%E0%B6%B1%E0%B7%8A%E0%B6%AF%E0%B7%93%E0%B6%BA+%E0%B6%A2%E0%B7%8F%E0%B6%AD%E0%B7%92%E0%B6%9A+%E0%B6%AD%E0%B6%BB%E0%B7%94%E0%B6%AB%E0%B6%BA%E0%B7%99%E0%B6%9A%E0%B7%8A+%E0%B6%B1%E0%B7%92%E0%B7%80%E0%B7%8A%E0%B6%B8%E0%B7%9D%E0%B6%B1%E0%B7%92%E0%B6%BA%E0%B7%8F%E0%B7%80%E0%B7%99%E0%B6%B1%E0%B7%8A+%E0%B6%B8%E0%B6%BB%E0%B7%94%E0%B6%A7

හොරණ, පෝරුවදණ්ඩ ප්‍රදේශයේ පිහිටි බීම කෑන් නිෂ්පාදන කර්මාන්ත ශාලාවක රැකියාව කළ ඉන්දීය ජාතික තරුණයෙක් නිව්මෝනියා තත්ත්වය හේතුවෙන් මියගොස් ඇතැයි හොරණ මුලස්ථාන පොලිසිය පවසනවා.

මෙසේ මියගොස් ඇත්තේ බ්‍රිජේෂ් කුමාර් නැමති 26 හැවිරිදි විදුලි කාර්මික ශිල්පියකු ලෙස එම කර්මාන්ත ශාලාවේ රැකියාව කළ තරුණයෙක්.

මෙම තරුණයා පසුගිය 08 වන දින හුස්ම ගැනීමේ අපහසුතාවය මත හොරණ දිස්ත්‍රික් මහ රෝහලට ඇතුලත් කර ඇති අතර ඉකුත් (12) වැනිදා සිට දැඩි සත්කාර ඒකකයේ ප්‍රතිකාර ලබමින් සිට ඇති බවයි පොලිසිය පවසන්නේ.

ඔහු පසුගිය මාර්තු මාසයේ මෙරටට පැමිණ පෝරුවදණ්ඩ ප්‍රදේශයේ නවාතැනක නතර වී රැකියාව සිදුකර ඇති බව අනාවරණය වී තිබෙනවා.

හොරණ හදිසි මරණ පරීක්ෂක සුමේද ගුණවර්ධන විසින් මේ පිළිබඳ මරණ පරීක්ෂණය සිදු කර ඇති අතර එහිදී මෙම මරණය නිව්මෝනියා තත්වය හේතුවෙන් සිදුවූවක් බවට අනාවරණය වුණා.

මෙම මරණය සම්බන්ධයෙන් ඉන්දීය තානාපති කාර්යාලය දැනුවත් කළ බව ද පොලිසිය පැවසුවා.

හොරණ මූලස්ථාන පොලිසියේ පොලිස් පරීක්ෂක රංග පෙරේරාගේ උපදෙස් පරිදි විවිධ පැමිණිලි අංශයේ ස්ථානාධිපති ප්‍රධාන පොලිස් පරීක්ෂක පරාක්‍රම ගුණරත්නගේ මෙහෙයවීමෙන් පොලිස් සැරයන් (33358) සමරවීර ඇතුළු නිලධාරින් සිද්ධිය සම්බන්ධයෙන් විමර්ශන සිදුකළා.