මුදල් අමාත්‍යාංශයෙන් Microsoft Office 365 වැඩසටහනක්

%E0%B6%B8%E0%B7%94%E0%B6%AF%E0%B6%BD%E0%B7%8A+%E0%B6%85%E0%B6%B8%E0%B7%8F%E0%B6%AD%E0%B7%8A%E2%80%8D%E0%B6%BA%E0%B7%8F%E0%B6%82%E0%B7%81%E0%B6%BA%E0%B7%99%E0%B6%B1%E0%B7%8A+Microsoft+Office+365+%E0%B7%80%E0%B7%90%E0%B6%A9%E0%B7%83%E0%B6%A7%E0%B7%84%E0%B6%B1%E0%B6%9A%E0%B7%8A

රාජ්‍ය සේවය ඩිජිටල්කරණය කිරීමේ තවත් විශේෂ පියවරක් ලෙස Microsoft Office 365 තාක්ෂණය ඔස්සේ ලිපි කළමනාකරණය සහ රැස්වීම් කාලසටහන්ගත කිරීම පිළිබඳ දැනුවත් කිරීමේ හා පුහුණු වැඩසටහනක් අද (28) මුදල්, ක්‍රමසම්පාදන හා ආර්ථික සංවර්ධන අමාත්‍යාංශයේ නව ශ්‍රවණාගාරයේදී පැවැත්වුණා.

අමාත්‍යාංශය වෙත තැපැල් මාර්ගයෙන් සහ භෞතිකව ලැබෙන සියලුම ලිපි තොරතුරු ඩිජිටල් පද්ධතියක් ඔස්සේ කළමනාකරණය කිරීමත්, ඒ හරහා නිවසේ සිට පවා රාජකාරි ඉටු කිරීමට පහසුකම් සැලසීමත් මෙම වැඩසටහනේ මූලික අරමුණයි.

ස්වාධීන දෙපාර්තමේන්තුවල අධ්‍යක්ෂ ජනරාල්වරුන්, ප්‍රධාන නිලධාරීන් මෙන්ම අමාත්‍යාංශයේ පාලන හා තැපැල් අංශවල නිලධාරීන් සඳහා භෞතිකව සහ (Virtual) තාක්ෂණය ඔස්සේ මෙම දැනුවත් කිරීම් සිදු කෙරිණා.

මේ තුළින් රාජ්‍ය නිලධාරීන්ගේ කාර්යක්ෂමතාව සහ ඵලදායිතාව ඉහළ නැංවීමත්, ලිපි කටයුතු ප්‍රමුඛතා පදනම මත වේගවත් කිරීමත් අපේක්ෂා කෙරෙනවා.

මීට අමතරව, අමාත්‍යාංශයේ සියලුම රැස්වීම් කාලසටහන්ගත කිරීම ඩිජිටල් පද්ධතියක් ඔස්සේ සිදු කිරීම පිළිබඳ පුහුණු වැඩසටහනක් ද මෙහිදී පැවැත්වුණා.

රැස්වීම් පිළිබඳ තොරතුරු සියලු අංශ වෙත කඩිනමින් දැනුම්දීම සහ ලිපි ප්‍රමාදයන් අවම කරගැනීමත් මෙහි ප්‍රධාන අරමුණක් බවයි සඳහන්.

"ප්‍රතිඵලදායක සංස්කෘතියක් - ක්ලීන් ශ්‍රී ලංකාවක්" ජාතික මෙහෙයුමේ සතිපතා සමාලෝචන ක්‍රියාකාරකම් මාලාවේ දෙවන දින වැඩසටහන ලෙස මෙම පියවර ක්‍රියාත්මක කෙරුණා.