රිය අනතුරකට ලක්වූ රන්දෙණියේ බණ්ඩාර හස්තියා මියයයි

කෑගල්ල රන්දෙණිය ප්‍රදේශයේ සිට මනම්පිටිය ප්‍රදේශයේ විහාරස්ථානයක පෙරහරක් සඳහා ලොරි රථයකින් රැගෙන යමින් සිටියදී ටිපර් රථයක ගැටී අනතුරට ලක්ව දින හයක් පුරා ප්‍රතිකාර ලබමින් සිටි රන්දෙණිය බණ්ඩාර නැමැති හස්තියා අද අලුයම මියගොස් තිබෙනවා.

පසුගිය මස 29 වනදා මෙම සත්ත්වයා රැගෙන යමින් තිබූ ලොරි රථය මැල්සිරිපුර ඕමාරගොල්ල ප්‍රදේශයේදී කාර්මික දෝෂයකට ලක්ව තිබූ අතර ඇත්ගොව්වා විසින් අලියා රථයෙන් බස්සවා ප්‍රතිවිරුද්ධ දිශාවට රැගෙන යමින් සිටියදීයි පිටිපසින් පැමිණි ටිපර් රථයක ගැටී තිබුණේ.

පසුව, හස්තියාට එම ස්ථානයේදීම ප්‍රතිකාර කිරීම ආරම්භ කළ අතර හිමිකරු විසින් වැඩිදුර ප්‍රතිකාර සඳහා හස්තියා කෑගල්ල රන්දෙණිය ප්‍රදේශයේ පිහිටි ඔහුගේ නිවස වෙත රැගෙන එනු ලැබුවා.