මත්ද්‍රව්‍ය ජාවාරමෙන් වත්කම් සහ දේපළ මිලදී ගත් පොඩ්ඩි අත්අඩංගුවට

මත්ද්‍රව්‍ය ජාවාරමෙන් උපයාගත් මුදල් භාවිත කර වත්කම් හා දේපළ මිලදී ගත් කාන්තාවක් නීතිවිරෝධී වත්කම් විමර්ශන කොට්ඨාසය විසින් අත්අඩංගුවට ගෙන තිබෙනවා.

මෙලෙස අත්අඩංගුවට ගෙන ඇත්තේ 53 හැවිරිදි ග්‍රෑන්ඩ්පාස්, ෆර්ගියුෂන් පාර ප්‍රදේශයේ පදිංචි 'පොඩ්ඩි' නමැති කාන්තාවක් බවයි පොලිසිය සදහන් කලේ.

2021 වසරේදී ඇය සම්බන්ධයෙන් නීති විරෝධී වත්කම් විමර්ශන කොට්ඨාසයට පැමිණිල්ලක් ලැබුණා.

පසුව පොලිසිය කළ කරුණු දැක්වීමක් සැලකිල්ලට ගැනීමෙන් අනතුරුව කොළඹ මහාධිකරණය මුදල් විශුද්ධිකරණය වැළැක්වීමේ පනත යටතේ ඇයට අයත් වත්කම් සහ දේපළ ක්‍රියා විරහිත කිරීමටයි නියෝග කළේ.

ඊට ජා ඇල ප්‍රදේශයේ රුපියල් ලක්ෂ 14ක් වටිනා ඉඩමක්, බැංකු ගිණුම් 06ක තිබූ රුපියල් ලක්ෂ 59ක්, ග්‍රෑන්ඩ්පාස් ප්‍රදේශයේ කෝටි 03 ක් පමණ වටිනා කඩ කාමර 03 ක් සහ එම ප්‍රදේශයේම පිහිටි කෝටි 02 ක් පමණ වටිනා තෙමහල් නිවස සහිත ඉඩමක් ද අයත්.