Share Post
දිවයිනේ විවිධ ප්රදේශවල ගත වූ ඊයේ (16) දිනයේදී සිදුවූ රිය අනතුරු තුනකින් යතුරුපැදි පැදිකරුවන් සිව් දෙනකු සහ කුඩා දරුවෙකු, ජීවිතක්ෂයට පත්ව ඇතැයි පොලිස් මාධ්ය කොට්ඨාසය පවසනවා.
කල්පිටිය පොලිස් වසමේ කන්දකුලිය, කල්පිටිය අතුරු කුඩාව ප්රදේශයේදී කල්පිටිය දෙසට ධාවනය වූ යතුරුපැදියක් පැදිකරුට පාලනය කරගත නොහැකිව මාර්ගයෙන් ඉවතට පැන විදුලි රැහැන් කණුවක ගැටීමෙන් අනතුරක් සිදුව තිබෙනවා.
එම අනතුරින් බරපතල තුවාල ලැබූ යතුරුපැදිකරු සහ එහි ගමන් ගත් කුඩා දරුවෙක් කල්පිටිය රෝහලට ඇතුළත් කර ප්රතිකාර ලබමින් සිටියදී මියගොස් තිබෙනවා.
මෙසේ ජීවිතක්ෂයට පත්ව ඇත්තේ අවුරුදු 06ක් සහ 40ක් වන කන්දකුලිය ප්රදේශයේ පදිංචිකරුවන් දෙදෙනෙක්.
වෙන්නප්පුව පොලිස් වසමේ කොළඹ - පුත්තලම මාර්ගයේ ලුණුවිල හන්දිය අසලදී ඊයේ (16දා) රාත්රියේ සිදුවූ තවත් අනතුරකින් පාපැදිකරුවෙක් මියගොස් තිබෙනවා. මාර්ගය හරහා ගමන් කළ පාපැදිකරුවෙකු පුත්තලම දෙසට ධාවනය වූ වෑන් රථයක ගැටීමෙන් මෙම අනතුර සිදුව තිබෙනවා.
අනතුරින් බරපතල තුවාල ලැබූ පාපැදිකරු මාරවිල රෝහලට ඇතුළත් කරන විටත් මියගොස් සිට ඇති අතර, මරණකරු අවුරුදු 55ත් 60ත් අතර වයසේ පසුවන අයෙකු වුවද ඔහුගේ අනන්යතාවය මෙතෙක් තහවුරු වී නොමැති බවයි වාර්තා වන්නේ.
අනතුර සම්බන්ධයෙන් වෑන් රථයේ රියැදුරු අත්අඩංගුවට ගෙන ඇති අතර, වෙන්නප්පුව පොලිසිය වැඩිදුර විමර්ශන පවත්වනවා.
මේ අතර, මාදම්පේ නගරයේදී ඊයේ (16දා) රාත්රියේ සිදුවූ තවත් රිය අනතුරකින් පාපැදිකරුවෙකු ජීවිතක්ෂයට පත්ව තිබෙනවා. මෙම අනතුර සිදුකර ඇත්ත් වෑන් රථ රියැදුරෙක් බවට හෙළිව ඇතැයි පොලිසිය සඳහන් කරනවා.
අනතුරින් බරපතල තුවාල ලැබූ පාපැදිකරු මාදම්පේ රෝහලට ඇතුළත් කිරීමෙන් පසු මියගොස් ඇති අතර, මරණකරු අවුරුදු 62ක් වූ මඩොල්කැලේ ප්රදේශයේ පදිංචිකරුවෙක්.
අනතුරින් පසු පලා ගිය වෑන් රථයේ රියැදුරු මේ වන විට අත්අඩංගුවට ගෙන ඇති අතර, මාදම්පේ පොලිසිය වැඩිදුර විමර්ශන සිදු කරමින් පවතිනවා.
Latest News
ශ්රී ලංකාව සමඟ තරගයේදී බංග්ලාදේශ ක්රීඩිකාවන්ට දඩ
Local
08 September 2026
ක්රිඩා ඇමතිට එරෙහිව බදුරලිය ක්රිඩා සමාජය අධිකරණයට
Local
08 September 2026
මානව හිමිකම් මහකොමසාරිස්ගේ වාර්තාව අගයමින් ITAK පක්ෂයෙන් නිවේදනයක්
Local
08 September 2026
“මාධ්ය 2/3 බලයෙන් යටපත් කිරීමට දරන උත්සාහය ප්රජාතන්ත්රවාදයේ මළගමක්” - මාධ්ය සහ සමාජ මාධ්ය මර්දනය කරන වගන්ති ගැන දිනන දකුණෙන් විරෝධය
Local
08 September 2026
කොටස් වෙළෙඳපොළ ඒකක 81.43කින් පහළට
Local
08 September 2026
ජර්මානු පර්යේෂණ ආයතනයක් සහ ඌව වෙල්ලස්ස විශ්වවිද්යාලය අතර ගිවිසුමකට කැබිනට් අනුමැතිය
Local
08 September 2026
ශ්රව්යාබාධිත ප්රජාව වෙනුවෙන් WhatsApp වීඩියෝ තාක්ෂණයෙන් පැමිණිලි ඉදිරිපත් කිරීමේ විශේෂ ව්යාපෘතියක්
Local
08 September 2026
සරණගේ අල්ලස් නඩුවකට විනිසුරු ලවා අත්හිටවු සිර දඩුවම් ලබා දීමට අල්ලස් ගත්තැයි කොළඹ මහාධිකරණයේ කා.කා.ස රිමාන්ඩ්
Local
08 September 2026
ශ්රී ලාංකිකයින්ට තායිලන්තයේ රැකියා අවස්ථා සැලසෙන ගිවිසුම් දෙකට කැබිනට් අනුමැතිය
Local
08 September 2026
ඉන්දීය ‘INS UDAYGIRI’ යුද නෞකාව කොළඹට පැමිණෙයි
Local
08 September 2026
