අධිවේගී මාර්ගයේ සහ මහාමාර්ගවල ධාවනයේ යෙදෙන වාහනවල රියැදුරන් යම් වරදක් සිදුකරනවා නම් ඒ පිළිබඳ දැනුම් දීම සඳහා විශේෂ දුරකථන අංකයක් හඳුන්වා දී ඇතැයි ශ්රී ලංකා පොලිසියේ මාර්ග ආරක්ෂාව, රථවාහන හා පාලන කොට්ඨාසයේ අධ්යක්ෂ, ජ්යෙෂ්ඨ පොලිස් අධිකාරි මනෝජ් රණගල පවසනවා.
එම පැමිණිලි සෘජුවම රථවාහන මූලස්ථානයට යොමුවී අවශ්ය ක්රියාමාර්ග ගැනීමට කටයුතු කරන බවත් රථවාහන කොට්ඨාසයේ අධ්යක්ෂවරයා සඳහන් කළේ.
ඒ අනුව, 070-4755600 දුරකථන අංකයට WhatsApp මගින් සම්බන්ධ වීමෙන් මහජනතාවට මෙම පැමිණිලි සිදු කළ හැකි බවයි ජ්යෙෂ්ඨ පොලිස් අධිකාරිවරයා පැවසුවේ.
රථවාහන වැරදි සඳහා ඉදිරියේදී නීතිය තදින්ම ක්රියාත්මක කරන බවද ඔහු අවධාරණය කළා.
අනතුරු වළක්වා ගැනීම සඳහා ආරම්භ කර ඇති වැඩපිළිවෙළ කාලීන අවශ්යතාවයක් බව පෙන්වා දුන් ජ්යෙෂ්ඨ පොලිස් අධිකාරිවරයා, අධිවේගී මාර්ගවල පැයට කිලෝමීටර් සියයක වේගයෙන් ධාවනයේ යෙදෙන වාහනවල රියැදුරන් සහ මගීන්ගේ ආරක්ෂාව වෙනුවෙන් ආසන බඳ පටි (seat belts) පැළඳීම අත්යවශ්ය සාධකයක් බව ප්රකාශ කළා.
රියැදුරු සහ ඉදිරිපස අසුන පමණක් නොව, පසුපස අසුන්වල සිටින මගීන් ද බඳ පටි පැළඳීම තුළින් අනතුරකදී සිදුවන හානි අවම කරගැනීමට හැකියාව ලැබෙන බවද ඔහු වැඩිදුරටත් පෙන්වා දුන්නා.
ජ්යෙෂ්ඨ පොලිස් අධිකාරිවරයා මේ බව පැවසුවේ, අධිවේගී මාර්ගවල ගමන් ගන්නා සියලුම රියැදුරන් සහ මගීන් ආරක්ෂිත ආසන බඳ පටි පැළදීමේ නීතිය ක්රියාත්මක කිරීම පිළිබඳ මාධ්ය දැනුවත් කිරීම සඳහා අද (19) කැඳවා තිබූ විශේෂ මාධ්ය හමුවට එක්වෙමින්.
Latest News
ඉන්දීය අභ්යවකාශ ක්ෂේත්රයේ නව වාර්තාවක්: Pixxel සමාගමට ඩොලර් මිලියන 100ක දැවැන්ත ආයෝජනයක්
11 වැනි එක් තීරයක් එක් මාවතක් සමුළුව හොංකොං හිදී ඇරඹේ
පාකිස්ථානයේ දරිද්රතාව සහ රැකියා වියුක්තිය ශීඝ්රයෙන් ඉහළට
ලෝක වෙළඳපොළේ බොරතෙල් මිල අ. ඩොලර් 105 ඉක්මවයි
බෝරා ප්රජාවේ මුදලින් නවීකරණය වූ බම්බලපිටිය දුම්රිය ස්ථානය අගමැති හරිනි අතින් විවෘත කෙරේ
හෙම්මාතගම දරුවන් වැරදි පාරේ ගෙනගිය "පෙති අක්කා" කොටුවෙයි
විදේශ රැකියාවක් අතරතුර මියයන ශ්රමිකයින්ගේ වන්දිය ලක්ෂ 20 දක්වා ඉහළට
''ආපු නැව් 19න් මෙට්රික් ටොන් 120,000ක් අතුරුදන්'' - නාමල් රාජපක්ෂ
ශ්රී ලංකාවේ බිම්ස්ටෙක් තාක්ෂණ හුවමාරු පහසුකම ස්ථාපනය කිරීමේ ගිවිසුම අත්සන් තැබීම හෙට
"සංස්කෘතිය බියට හේතුවක් නොවිය යුතුයි" - ජනපතිගෙන් උලමා සංවිධානයට සහතිකයක්
