අධිවේගී මාර්ගයේ සහ මහාමාර්ගවල ධාවනයේ යෙදෙන වාහනවල රියැදුරන් යම් වරදක් සිදුකරනවා නම් ඒ පිළිබඳ දැනුම් දීම සඳහා විශේෂ දුරකථන අංකයක් හඳුන්වා දී ඇතැයි ශ්රී ලංකා පොලිසියේ මාර්ග ආරක්ෂාව, රථවාහන හා පාලන කොට්ඨාසයේ අධ්යක්ෂ, ජ්යෙෂ්ඨ පොලිස් අධිකාරි මනෝජ් රණගල පවසනවා.
එම පැමිණිලි සෘජුවම රථවාහන මූලස්ථානයට යොමුවී අවශ්ය ක්රියාමාර්ග ගැනීමට කටයුතු කරන බවත් රථවාහන කොට්ඨාසයේ අධ්යක්ෂවරයා සඳහන් කළේ.
ඒ අනුව, 070-4755600 දුරකථන අංකයට WhatsApp මගින් සම්බන්ධ වීමෙන් මහජනතාවට මෙම පැමිණිලි සිදු කළ හැකි බවයි ජ්යෙෂ්ඨ පොලිස් අධිකාරිවරයා පැවසුවේ.
රථවාහන වැරදි සඳහා ඉදිරියේදී නීතිය තදින්ම ක්රියාත්මක කරන බවද ඔහු අවධාරණය කළා.
අනතුරු වළක්වා ගැනීම සඳහා ආරම්භ කර ඇති වැඩපිළිවෙළ කාලීන අවශ්යතාවයක් බව පෙන්වා දුන් ජ්යෙෂ්ඨ පොලිස් අධිකාරිවරයා, අධිවේගී මාර්ගවල පැයට කිලෝමීටර් සියයක වේගයෙන් ධාවනයේ යෙදෙන වාහනවල රියැදුරන් සහ මගීන්ගේ ආරක්ෂාව වෙනුවෙන් ආසන බඳ පටි (seat belts) පැළඳීම අත්යවශ්ය සාධකයක් බව ප්රකාශ කළා.
රියැදුරු සහ ඉදිරිපස අසුන පමණක් නොව, පසුපස අසුන්වල සිටින මගීන් ද බඳ පටි පැළඳීම තුළින් අනතුරකදී සිදුවන හානි අවම කරගැනීමට හැකියාව ලැබෙන බවද ඔහු වැඩිදුරටත් පෙන්වා දුන්නා.
ජ්යෙෂ්ඨ පොලිස් අධිකාරිවරයා මේ බව පැවසුවේ, අධිවේගී මාර්ගවල ගමන් ගන්නා සියලුම රියැදුරන් සහ මගීන් ආරක්ෂිත ආසන බඳ පටි පැළදීමේ නීතිය ක්රියාත්මක කිරීම පිළිබඳ මාධ්ය දැනුවත් කිරීම සඳහා අද (19) කැඳවා තිබූ විශේෂ මාධ්ය හමුවට එක්වෙමින්.
Latest News
කොළඹ ජාත්යන්තර මැරතන් තරගාවලිය ඉරිදා ඇරඹේ - ක්රීඩකයින් 5,000කට අධික පිරිසක් එක්වෙයි
ඩයනා කුමරියගේ සුප්රකට ‘Revenge Dress’ වෙන්දේසියට
කාන්තා ආසියානු කුසලාන අවසන් මහා තරගයේ ඉඩ වෙන්කර ගැනීමට පාකිස්ථානය පරාජය කරමින් ශ්රී ලංකාව සමත් වෙයි
22ට එරෙහිව 23 වනදා කොළඹදී දැවැන්ත විරෝධයක්
අම්පිටියේ සුමනරතන හිමිට ඇප
ලබන 30 වැනිදා අධිකරණයේ පෙනී සිටින ලෙස ක්රීඩා ඇමතිට නොතීසි
පාකිස්ථානයෙන් ශ්රී ලංකාවට ලකුණු 131ක ඉලක්කයක්
දින 45ක් තුළ දිවයිනේ අත්බෝම්බ ප්රහාර 4ක්
"සිදුවූයේ නොසැලකිලිමත් දෝෂයක්" : කල්ඉකුත් වූ බනිස් අලෙවි කිරීමේ සිද්ධියට P&S වෙතින් ප්රසිද්ධියේ කණගාටුව
Bab al-Mandab නාවික මාර්ගයේ දෙපසම බලය හූතිවරුන්ට - ගෝලීය වෙළඳාමට එල්ල වන්නේ දැඩි තර්ජනයක්
