අර්ජුන මහේන්ද්‍රන්ගේ නඩුවක් ඔක්තෝබර් 30 යළි කැඳවයි

2015 වසරේ සිදු වූ මහ බැංකු බැඳුම්කර නිකුතුවකින් රජයට රුපියල් බිලියන දහයකට අධික පාඩුවක් සිදු කළැයි කියන සිද්ධියක් සම්බන්ධයෙන් හිටපු මහ බැංකු අධිපතිවරයෙකු වූ අර්ජුන මහේන්ද්‍රන් මහතාට පනවා තිබෙන නඩුව ඔක්තෝබර් 30 වන දින යළි කැඳවීමට කොළඹ ප්‍රධාන මහේස්ත්‍රාත් අසංග එස් බෝදරගම මහතා අද (21) නියෝග කළා.

තවද මෙම සැකකරු සම්බන්ධයෙන් නිසි පියවර අනුව සිතාසි ක්‍රියාකළ අධිකරණයට වාර්තා කරන ලෙසද මහේස්ත්‍රාත්වරයා අල්ලස් කොමිසමට නියෝග කළා.

සිද්ධියට අදාල සැකකරුට අධිකරණයේ හමුවේ පෙනී සිටින ලෙස කොළඹ ප්‍රධාන මහේස්ත්‍රාත් අධිකරණය විසින් පෙර නඩු දිනයේදී නොතීසි නිකුත් කළ තිබෙන බව එහිදී මහේස්ත්‍රාත්වරයා අධිකරණයට දැනුම් දුන්නා.

අල්ලස් හෝ දුෂණ කොමිෂන් සභාව සිද්ධිය සම්බන්ධයෙන් අධිකරණයට කරුණු දැක්වූවා.

එම පැමිණිල්ල සම්බන්ධයෙන් මෙතෙක් කර ඇති විමර්ශන වලට අනුව හිටපු මහා බැංකු අධිපති අර්ජුන් මහේන්ද්‍රන්ට අල්ලස් පනත යටතේ දුෂණය නැමති චෝදනාව යටතේ නඩු පැවරීමට හැකියාව පවතින බව පෙන්වා දෙමින් අල්ලස් හෝ දුෂණ කොමිෂන් සභාව වෙනුවෙන් පෙනී සිටි නිලධාරීන් පෙර නඩු දිනයේ දී අධිකරණයට කරුණු ඉදිරිපත් කළා.

2015 වසරේ සිදු වූ මහ බැංකු බැඳුම්කර නිකුතුවකින් රජයට රුපියල් බිලියන දහයකට අධික පාඩුවක් සිදුකළේ යැයි සඳහන් කරමින් අල්ලස් කොමිසම විසින් ගොනුකර ඇති පැමිණිල්ලක් සලකා බැලීමෙන් පසු මහේස්ත්‍රාත්වරයා විසින් මෙලෙස නියෝග කෙරුණා.

අර්ජුන් මහේන්ද්‍ර එම සිද්ධියට අදාළව සැකකරුවකු වශයෙන් නම්කර සිටින බවයි අල්ලස් කොමිසම සඳහන් කරන්නේ.

2015 වසරේ පෙබරවාරි 27 වැනිදා පැවති බැදුම්කර වෙන්දේසියකදී රජයට රුපියල් මිලියන 688 ක පාඩුවක් කිරීම ඇතුලු අධිචෝදනා 23 ක් යටතේ නඩුව පවරා තිබෙන බව අල්ලස් කොමිසම අධිකරණයට දැනුම් දුන්නා.

එම බැඳුම්කර වෙන්දේසිය සම්බන්ධයෙන් විමර්ශන සිදු කළ අපරාධ පරික්ෂණ දෙපාර්තමේන්තුව ඉදිරිපත් කළ විමර්ශන උධෘත අධ්‍යනය කළ නීතිපතිවරයා විසින් හිටපු මහා බැංකු අධිපති අර්ජුන් මහේන්ද්‍රන් , හිටපු මහා බැංකු නියෝජ්‍ය අධිපති පී.සමරවීර , පර්පෙල්චුවර් ටෙශරිස් සමාගමේ අර්ජුන් ඇලොසියස් ඇතුළු විත්තිකරුවන් දස දෙනෙකුට එරෙහිව ⁣බස්නාහිර පලාත්බද ස්ථිර ත්‍රිපුද්ගල මහාධිකරණය හමුවේ අධි චෝදනා 23 ක් යටතේ නඩු ගොනු කර තිබෙනවා.