ජූලි මාසයේදී ශ්‍රී ලංකාවේ උද්ධමනය 7.2% දක්වා ඉහළට

පාරිභෝගික මිල දර්ශකය සහ මාසික පාරිභෝගික උද්ධමන දත්තවලට අනුව, ජූලි මාසයේදී ශ්‍රී ලංකාවේ උද්ධමන අනුපාතය ඉහළ ගොස් ඇති බව ජනලේඛන හා සංඛ්‍යාලේඛන දෙපාර්තමේන්තුව ප්‍රකාශ කරයි.

ජූනි මාසයේදී 6.5% ක් ලෙස සටහන් වූ සමස්ත උද්ධමනය, ජූලි මාසයේදී 7.2% දක්වා ඉහළ ගොස් තිබේ.

මෙහිදී ආහාර කාණ්ඩයේ උද්ධමනය ජූනි මාසයේ පැවති 3.3% සිට ජූලි මාසයේදී 4.9% දක්වා කැපී පෙනෙන ලෙස වැඩි වී ඇත. කෙසේ වෙතත්, ආහාර නොවන කාණ්ඩයේ උද්ධමනය ජූනි මාසයේ 9.3% සිට ජූලි මාසයේදී 9.2% දක්වා මඳක් පහත වැටී ඇති බව ජනලේඛන හා සංඛ්‍යාලේඛන දෙපාර්තමේන්තුව වැඩිදුරටත් පෙන්වා දෙයි.