ධාරිතාව 45,000යි - රැඳවියන් 98,000 පනී: බංග්ලාදේශ බන්ධනාගාර අර්බුදය දැඩි වෙයි

බංග්ලාදේශයේ බන්ධනාගාරවල නියමිත ධාරිතාව මෙන් දෙගුණයකට ආසන්න සංඛ්‍යාවක් සිටින බව හෙළිවී තිබෙනවා.

එරට බන්ධනාගාර 75ක් තුළ රැඳවියන් 45,186 දෙනෙකු සඳහා පමණක් පහසුකම් පැවතියද, මේ වනවිට එහි රැඳවියන් 98,233 දෙනෙකු අතිශය දුෂ්කර තත්ත්වයන් යටතේ රඳවා සිටින බවයි වාර්තා වන්නේ.

පවතින තත්ත්වය බරපතළ බව පසුගිය මාස කිහිපයකට පෙර පාර්ලිමේන්තුවේදී එරට ස්වදේශ කටයුතු අමාත්‍යවරයා විසින් ද පිළිගෙන තිබුණා.

රැඳවියන් ජීවත්වන මෙම අමානුෂික පරිසරය මූලික මානව හිමිකම් දැඩි ලෙස උල්ලංඝනය කිරීමක් වන අතර, එය නිවැරදි කිරීම සඳහා කඩිනමින් ප්‍රතිසංස්කරණ සිදුකිරීමේ අත්‍යවශ්‍යතාවක් පැනනැඟී ඇති බව ජාත්‍යන්තර සංවිධාන පෙන්වා දෙන්නේ.

එමෙන්ම බන්ධනාගාර තුළ සෞඛ්‍ය සේවා සැපයීම සඳහා දැඩි වෛද්‍ය හිඟයක් පවතින බවද සඳහන්.

පසුගිය වසර තුළදී පමණක් බන්ධනාගාර තුළ රැඳවියන් 187 දෙනෙකු මියගොස් ඇති අතර, මෙම වසරේ ගතවූ කාලය තුළ මිය ගොස් ඇති රැඳවියන් සංඛ්‍යාව 122 ක්.