ගෝනපොලදී පැණි බීම කන්ටේනර් රථයක් මාර්ගයේ පෙරළෙයි

හොරණ කොළඹ මාර්ගයේ ගෝනපොල හන්දිය ආසන්නයේ දී අද (29) අලුයම 1.00ට පමණ කන්ටේනර් රථයක් පෙරලීමෙන් මාර්ගයේ එක් මංතීරුවක් අවහිර වී ඇති බව මොරගහහේන පොලිසිය සඳහන් කරනවා.

හොරණ කර්මාන්තපුරයේ පැණි බීම නිෂ්පාදන කර්මාන්ත ශාලාවක සිට කොළඹ වරාය දක්වා එම තොගය කොළඹ දෙසට ප්‍රවාහනය කරමින් සිටියදී ගෝනපොල හන්දිය පසුකර ඉදිරියට යාමේදී මෙම අනතුර වී සිදුවී ඇති බවයි පොලිසිය පවසන්නේ.

කන්ටේනර් රථයේ රියදුරු අනතුර වූ ප්‍රදේශයේ වංගුව ගැනීම හේතුවෙන් එම රථය මාර්ගයෙන් ඉවතට පැන මාර්ගය මැද අලංකාරයට තබා තිබූ මල් පෝච්චි තුනකටද හානි කරමින් එක්මන් තීරුවක් අවහිර කරමින් පෙරළී තිබෙනවා.

අනතුර සිදුවන අවස්ථාවේදී කන්ටේනර් රථයේ රියදුරු පමණක් එහි සිට ඇති බව පොලිසිය පවසනවා.

අනතුරක් සමග මොරගහහේන පොලිස් වසමේ මාර්ග අංක 120 මාර්ගයේ පැය 6ක් තුළදී සිදුවූ දෙවැනි කන්ටේනර් අනතුර මෙය බවයි පොලිසිය සඳහන් කරන්නේ.

අනතුර සම්බන්ධයෙන් මොරගහහේන පොලිසිය පරීක්ෂණ පවත්වනවා.