කටාන ප්‍රදේශයේ ඝාතනයකට සම්බන්ධ තිදෙනෙක් අත්අඩංගුවට

%E0%B6%9A%E0%B6%A7%E0%B7%8F%E0%B6%B1+%E0%B6%B4%E0%B7%8A%E2%80%8D%E0%B6%BB%E0%B6%AF%E0%B7%9A%E0%B7%81%E0%B6%BA%E0%B7%9A+%E0%B6%9D%E0%B7%8F%E0%B6%AD%E0%B6%B1%E0%B6%BA%E0%B6%9A%E0%B6%A7+%E0%B7%83%E0%B6%B8%E0%B7%8A%E0%B6%B6%E0%B6%B1%E0%B7%8A%E0%B6%B0+%E0%B6%AD%E0%B7%92%E0%B6%AF%E0%B7%99%E0%B6%B1%E0%B7%99%E0%B6%9A%E0%B7%8A+%E0%B6%85%E0%B6%AD%E0%B7%8A%E0%B6%85%E0%B6%A9%E0%B6%82%E0%B6%9C%E0%B7%94%E0%B7%80%E0%B6%A7

කටාන පොලිස් වසමේදී සිදුවූ ඝාතනයකට අදාලව සැකකරුවන් තිදෙනකු මීගමුව කොට්ඨාස අපරාධ විමර්ශන කාර්යංශය මඟින් ඊයේ (29) අත්අඩංගුවට ගත් බව පොලිස් මාධ්‍ය කොට්ඨාසය සඳහන් කරනවා.

කටාන පොලිස් වසමේදී ඉකුත් (28) වැනිදා පුද්ගලයෙකුට පහරදී සිදු කරන ලද ඝාතනයක් සම්බන්ධයෙන් මීගමුව කොට්ඨාස අපරාධ විමර්ශන කාර්යංශය මඟින් කළ විමර්ශනයට අනුව මෙම අත්අඩංගුවට ගැනීම සිදුකර ඇතැයි ද මාධ්‍ය කොට්ඨාසය පවසනවා.

ඒ අනුව, විමර්ශන නිලධාරීන්ට ලද තොරතුරක් මත අදාළ අපරාධය සිදු කළ ප්‍රධාන සැකකරු සහ එයට ආධාර අනුබල දුන් සැකකරුවන් දෙදෙනෙකු ඊයේ (29) දළුවකොටුව, ෆාතිමාවත්ත සහ කුරණ යන ප්‍රදේශවලදී අත්අඩංගුවට ගෙන කටාන පොලිස් ස්ථානයට ඉදිරිපත් කර ඇති බවයි වාර්තා වන්නේ.

මෙසේ අත්අඩංගුවට ගෙන ඇත්තේ අවුරුදු 23, 47 සහ 49 යන වයස්වල පසුවන, කදිරාන, ඒත්තුකාල සහ කොච්චිකඩේ ප්‍රදේශවල පදිංචිකරුවන් තිදෙනෙක්.

සිද්ධිය සම්බන්ධයෙන් කටාන පොලිසිය විසින් වැඩිදුර විමර්ශන මෙහෙයවනු ලබනවා.