ගුවන් ගමන් අවලංගු කිරීමෙන් ඉන්දුනීසියාවේ මගීන් 340,000ක් අපහසුතාවයට

ගිනි කන්දක් විදාරණය වීම හේතුවෙන් ඉන්දුනීසියාවේ, ජකර්තා ගුවන් තොටුපළේ ගුවන් ගමන් 3,000 කට ආසන්න සංඛ්‍යාවක් මේ වන විට ඇණහිට තිබෙනවා.

මෙම තත්ත්වය හමුවේ දෙවන දිනයටත් ගුවන් තොටුපළ මෙහෙයුම් අත්හිටුවීමට සිදුවීම හේතුවෙන් ඉන්දුනීසියාව පුරා මගීන් 340,000 කට වැඩි පිරිසක් අපහසුතාවයට පත්ව ඇති බවයි විදෙස් මාධ්‍ය වාර්තා කළේ.

ජකර්තා සිට කිලෝමීටර් 150ක් පමණ දුරින් පිහිටි අනක් ක්‍රකටාවු නම් ගිනිකන්ද පසුගිය සිකුරාදා රාත්‍රී භාගයේදී විදාරණය වීමට පටන් ගෙන තිබුණා.

එයින් ලාවා විදීම සහ අගනුවරට මෙන්ම ලම්පුං පළාතට ගිනිකඳු අළු පැතිර යාම සිදුව තිබුණා.