ජෝර්දානයේ අමෙරිකානු ගුවන් කඳවුරකට ප්‍රහාරයක් - යුද ගුවන් යානා රැසකට හානි

ජෝර්දානයේ පිහිටි අමෙරිකානු හමුදා කඳවුරකට ඊයේ (09) රාත්‍රියේ එල්ල වූ ප්‍රහාරවලින් අමෙරිකානු හමුදා ගුවන් යානා කිහිපයකට හානි සිදුව ඇති බව රොයිටර් පුවත් සේවය වාර්තා කරනවා.

ජෝර්දානයේ Muwaffaq Salti Air Base වෙත එල්ල වූ ප්‍රහාරවලින් A-10 Thunderbolt ප්‍රහාරක ගුවන් යානයකට බරපතළ හානි සිදුව ඇති අතර, එහි පියාපතක් කැඩී ඇති බවයි වාර්තා වන්නේ.

එමෙන්ම F-15 ප්‍රහාරක ගුවන් යානා 08කට පමණ සුළු හානි සිදුව තිබෙන බව ද මාධ්‍ය වාර්තා සඳහන් කරනවා.

කෙසේ වෙතත්, එම F-15 යානා යළි සේවයට එක්කර ඇති බව CBS පුවත් සේවයේ Jennifer Jacobs සිය X ගිණුමේ සඳහන් කර තිබෙනවා.

ප්‍රහාරය සම්බන්ධයෙන් වැඩිදුර තොරතුරු මෙතෙක් අනාවරණ වී නොමැති බවයි රොයිටර් පුවත් සේවය වැඩිදුරටත් වාර්තා කරන්නේ.