තවත් ඩෙංගු මර්දන සතියක්

සෞඛ්‍ය වෛද්‍ය නිලධාරී කොට්ඨාස 62ක අනිද්දා සිට ලබන 19 වැනිදා දක්වා යළි ඩෙංගු මර්දන සතියක් ආරම්භ කරන බව ක්ලීන් ශ්‍රී ලංකා ලේකම් කාර්යාලය පවසනවා.

කොළඹ ඊයේ (11) පැවති ප්‍රවෘත්ති සාකච්ඡාවකට එක්වෙමින් එහි අතිරේක අධ්‍යක්ෂ ජනරාල් ඉන්දික ගමගේ කියා සිටියේ, එල් නිනෝ හමුවේ වෙනස්වන කාලගුණ තත්ත්වය සලකා පෙර සූදානමක් ලෙස මෙම වැඩසටහන ක්‍රියාත්මක කරන බවයි.

මේ අතර, වසරේ මේ දක්වා වාර්තා වූ ඩෙංගු රෝගීන් සංඛ්‍යාව 97,000 ඉක්මවා තිබෙනවා.

ඩෙංගු හේතුවෙන් සිදුව ඇති මරණ සංඛ්‍යාව 74ක්.