කාන්තා T20 ලෝක කුසලාන අවසන් මහා තරගය අද

කාන්තා T20 ලෝක කුසලාන ක්‍රිකට් තරගාවලියේ අවසන් මහා තරගය අද (05) ඓතිහාසික ලෝඩ්ස් (Lord's) ක්‍රීඩංගණයේදී පැවැත්වීමට නියමිතයි.

මෙවර ශූරතාව වෙනුවෙන් ඔස්ට්‍රේලියාව සහ එංගලන්තය තරග වැදීමට නියමිතව සිටිනවා.

මෙවර පැවැත්වෙන්නේ 10 වැනි කාන්තා T20 ලෝක කුසලාන තරගාවලියයි.

එහි අවස්ථා 6කදීම ශූරතාව දිනා ගනිමින් පෙරමුණේ පසුවන්නේ ඔස්ට්‍රේලියානු කාන්තා කණ්ඩායම වීම විශේෂත්වයක්.

ඔවුන් මීට පෙර එක් වරක් පමණක් අනුශූරතාව ලබා ඇති අතර අනෙක් පසින් තරග වදින එංගලන්ත කණ්ඩායම ලෝක කුසලාන ශූරතාව දිනාගෙන ඇත්තේ එක් වරක් පමණයි.

මේ අතර එංගලන්තය මීට පෙර අවස්ථා තුනකදී අනුශූරයින් බවට පත්ව සිටිනවා.

අවසන් මහා තරගයට සුදුසුකම් ලැබූ ඔස්ට්‍රේලියාව සහ එංගලන්ත කණ්ඩායම් දෙකම පළමු වටයේ සියලුම තරග ජයගනිමින් මෙතෙක් අපරාජිතව ඉදිරියට පැමිණ සිටීම විශේෂත්වයක් බවයි ක්‍රිකට් විචාරකයින් පවසන්නේ.