சர்வதேச கிரிக்கெட்டிலிருந்து கேன் வில்லியம்சன் ஓய்வு

இதன் மூலம் அவரது 16 ஆண்டுகால வரலாற்றுச் சிறப்புமிக்க சர்வதேச கிரிக்கெட் வாழ்க்கை நிறைவுக்கு வந்துள்ளது.

நியூசிலாந்து கிரிக்கெட் வரலாற்றில் அனைத்து வகையான போட்டி வடிவங்களிலும் (Tests, ODIs, T20Is) அதிக ஓட்டங்களைக் குவித்த வீரர் என்ற பெருமையுடன் கேன் வில்லியம்சன் சர்வதேச அரங்கிலிருந்து விடைபெறுகிறார்.

இது குறித்து அவர் வெளியிட்டுள்ள விசேட அறிக்கையில், "சர்வதேச கிரிக்கெட்டிலிருந்து ஓய்வு பெறுவது குறித்து நான் சில காலமாகச் சிந்தித்து வந்தேன். தற்போது அதற்கான சரியான நேரம் இதுவென்பது தெளிவாகத் தெரிகிறது. நியூசிலாந்து அணிக்காக விளையாடிய ஒவ்வொரு போட்டியிலும் எனது முழு பங்களிப்பையும் வழங்கியுள்ளேன் என்பதில் பெருமகிழ்ச்சி அடைகிறேன். எனது சொந்த விருப்பத்தின் பேரில் சர்வதேச போட்டிகளில் இருந்து விலகிக்கொள்வதை இலாபகரமாகக் கருதுகிறேன்" எனத் தெரிவித்துள்ளார்.

2010ஆம் ஆண்டு சர்வதேச கிரிக்கெட்டில் அறிமுகமான அவர், நியூசிலாந்து அணிக்காக 378 சர்வதேசப் போட்டிகளில் விளையாடி 48 சதங்கள் மற்றும் 6 இரட்டைச் சதங்கள் அடங்கலாக 19,346 ஓட்டங்களைக் குவித்துள்ளார்.

இவரது தலைமையில் நியூசிலாந்து அணி இரண்டு உலகக் கிண்ண இறுதிப் போட்டிகளுக்குத் தகுதி பெற்றதுடன், 2021ஆம் ஆண்டு நடைபெற்ற முதலாவது ஐசிசி உலக டெஸ்ட் செம்பியன்ஷிப் கிண்ணத்தையும் வென்று சாதனை படைத்திருந்தது.

நியூசிலாந்து கிரிக்கெட்டின் பொற்கால நாயகனாகக் கருதப்படும் கேன் வில்லியம்சனின் இந்த திடீர் ஓய்வு அறிவிப்பு, உலகெங்கிலும் உள்ள கிரிக்கெட் ரசிகர்களைப் சோகத்தில் ஆழ்த்தியுள்ளது.