ஃபெராரி நிறுவனத்தின் முதலாவது மின்சார வாகனம் ஏல விற்பனையில் சாதனை!

+%E0%AE%83%E0%AE%AA%E0%AF%86%E0%AE%B0%E0%AE%BE%E0%AE%B0%E0%AE%BF+%E0%AE%A8%E0%AE%BF%E0%AE%B1%E0%AF%81%E0%AE%B5%E0%AE%A9%E0%AE%A4%E0%AF%8D%E0%AE%A4%E0%AE%BF%E0%AE%A9%E0%AF%8D+%E0%AE%AE%E0%AF%81%E0%AE%A4%E0%AE%B2%E0%AE%BE%E0%AE%B5%E0%AE%A4%E0%AF%81+%E0%AE%AE%E0%AE%BF%E0%AE%A9%E0%AF%8D%E0%AE%9A%E0%AE%BE%E0%AE%B0+%E0%AE%B5%E0%AE%BE%E0%AE%95%E0%AE%A9%E0%AE%AE%E0%AF%8D+%E0%AE%8F%E0%AE%B2+%E0%AE%B5%E0%AE%BF%E0%AE%B1%E0%AF%8D%E0%AE%AA%E0%AE%A9%E0%AF%88%E0%AE%AF%E0%AE%BF%E0%AE%B2%E0%AF%8D+%E0%AE%9A%E0%AE%BE%E0%AE%A4%E0%AE%A9%E0%AF%88%21

ஃபெராரி(Ferrari) நிறுவனத்தின் முதலாவது மின்சார வாகனமான 'ஃபெராரி லூஸ்' (Ferrari Luce) ஏலத்தில் 40 மில்லியன் அமெரிக்க டொலருக்கு (சுமார் 29.5 மில்லியன் பவுண்டுகள்) விற்பனையாகி புதிய சாதனை படைத்துள்ளது.

கலிபோர்னியாவில் நடைபெற்ற 'RM Sotheby's' தொண்டு நிறுவன ஏலத்தில், 'ஃபெராரி லூஸ்' வாகனம் 40 மில்லியன் டொலருக்கு விற்பனையானது.

ஏலத்தில் விற்பனை செய்யப்பட்ட புதிய வாகனம் ஒன்று பெற்ற மிக அதிகபட்ச விலை இதுவாகும்.

இந்த நிதி முழுமையாக ஃபெராரி அரக்கட்டளையின் கல்வி சார்ந்த திட்டங்களுக்கு வழங்கப்படும்.

அப்பள் நிறுவனத்தின் முன்னாள் முதன்மை வடிவமைப்பாளர் சர் ஜோனி ஐவ் (Sir Jony Ive) மற்றும் அவரது 'LoveFrom' குழுவினரால் வடிவமைக்கப்பட்ட இந்த வாகனம், கடந்த மே மாதம் அறிமுகப்படுத்தப்பட்டபோது கடும் விமர்சனங்களைச் சந்தித்தது.

5 இருக்கைகள், 4 கதவுகள் மற்றும் மின்சார மின்கல அமைப்பு ஆகியவற்றைக் கொண்டுள்ளதால், இது ஃபெராரியின் பாரம்பரிய அடையாளத்தை இழந்துவிட்டதாகக் விமர்சகர்களும், நிறுவனத்தின் முன்னாள் தலைவர்களும் கருத்து தெரிவித்திருந்தனர்.

இந்தநிலையில், ஏலம் விடப்பட்ட இந்தச் சிறப்பு பதிப்பு வாகனம், ஒளியின் திசைக்கு ஏற்ப நிறம் மாறும் பிரத்யேக 'Madreperla Semi-Gloss' வெண்மை நிறப் பூச்சு, சிறப்பு சக்கரங்கள் மற்றும் பிரத்யேக உள்கட்டமைப்புகளைக் கொண்டுள்ளது.

ஆரம்ப கால விமர்சனங்கள் மற்றும் பங்குகளின் தற்காலிக வீழ்ச்சிக்கு மத்தியிலும், சீன சந்தையில் நிலவும் பலமான வரவேற்பு காரணமாக இந்த ஆண்டிற்கான விற்பனை இலக்கை ஃபெராரி நிறுவனம் ஏற்கனவே எட்டியுள்ளது.