பெற்றோல் விலை குறைப்பு - முச்சக்கர வண்டி கட்டணம் குறையுமா?

ஒக்டேன் 92 ரக பெற்றோல் ஒரு லீற்றரின் விலை 15 ரூபாயால் குறைக்கப்பட்ட போதிலும், முச்சக்கர வண்டி கட்டணங்களில் எந்த மாற்றமும் செய்யப்படாது என தேசிய ஒருங்கிணைந்த முச்சக்கர வண்டி சாரதிகள் மற்றும் தொழில்முனைவோர் சங்கம் தெரிவித்துள்ளது.

உத்தியோகபூர்வமாக அங்கீகரிக்கப்பட்ட கட்டணத் திருத்தம் அறிமுகப்படுத்தப்படும் வரை சாரதிகள் தற்போதைய கட்டணங்களையே அறவிடுவார்கள் என்று அந்தச் சங்கத்தின் பொதுச் செயலாளர் எல். ரோஹண பெரேரா குறிப்பிட்டுள்ளார்.

இதன்படி, முதலாவது கிலோமீற்றருக்கு 110 ரூபாயும், அதன் பின்னர் ஒவ்வொரு கூடுதல் கிலோமீற்றருக்கு 90 ரூபாயும் என்ற தற்போதைய உத்தியோகபூர்வ கட்டண முறைமை தொடர்ந்து நடைமுறையில் இருக்கும் எனத் தெரிவிக்கப்பட்டுள்ளது.