போட்டிபோடும் அணிகள் : வாய்ப்பை தக்கவைப்பாரா வினீசியஸ் ஜூனியர் ?

பிரேஸில் கால்பந்தாட்ட அணியின் ஆட்டக்காரரான வினீசியஸ் ஜூனியரை (Vinicius Jr) அணியில் தொடர்ந்து தக்கவைத்துக் கொள்ளும் நோக்கில், ஸ்பெயினின் ரியல் மெட்ரிட் (Real Madrid) கால்பந்து கழகம் அவருக்கு மேம்படுத்தப்பட்ட புதிய ஒப்பந்த முன்மொழிவை வழங்கியுள்ளது.

26 வயதான வினீசியஸ் ஜூனியரின் ஒப்பந்தத்தில் கடைசி 12 மாதங்களே எஞ்சியுள்ள நிலையில், அவரை ஒப்பந்தம் செய்ய இங்கிலாந்தின் ஆர்சனல் (Arsenal) கால்பந்து கழகம் ஆர்வம் காட்டி வந்த நிலையில் தற்போது ரியல் மெட்ரிட் வழங்கியுள்ள புதிய நிபந்தனைகளை வினீசியஸ் ஜூனியர் சாதகமாகப் பரிசீலித்து வருவதாக வெளிநாட்டு ஊடகங்கள் செய்தி வெளியிட்டுள்ளன.

மீண்டும் அணியின் தலைமைப் பயிற்றுவிப்பாளராகப் பொறுப்பேற்றுள்ள ஜோஸ் மொரின்ஹோ (Jose Mourinho) உள்ளிட்ட ரியல் மெட்ரிட் அணியின் உயர்மட்ட நிர்வாகிகள், வினீசியஸ் ஜூனியர் புதிய ஒப்பந்தத்தை ஏற்றுக்கொள்வார் என்ற நம்பிக்கையில் உள்ளனர்.

ஒருவேளை அவர் இந்த ஒப்பந்தத்தை நிராகரித்தால், அவரை வாங்குவதற்கான நடவடிக்கைகளை விரைவுபடுத்த ஆர்சனல் (Arsenal) கால்பந்து கழகம் தயாராக உள்ளமை குறிப்பிடத்தக்கது.