Share Post
மட்டக்களப்பு - ஏறாவூரில் 16 வயதுடைய சிறுவன் ஒருவரை கடத்திச் சென்று தாக்கிய சம்பவம் தொடர்பாக மற்றுமொரு 16 வயது சிறுவன் காவல்துறையினரால் கைது செய்யப்பட்டுள்ளார்.
பாதிக்கப்பட்ட சிறுவனின் தாயார் வழங்கிய முறைப்பாட்டின் அடிப்படையில் நேற்று முன்தினம் இந்த கைது நடவடிக்கையை மேற்கொண்டதாக ஏறாவூர் காவல்துறை பொறுப்பதிகாரி எமது செய்தி சேவைக்கு உறுதிபடுத்தினார்.
முன்னதாக, ஏறாவூர் காவல்துறை பிரிவுக்குட்பட்ட சில பகுதிகளில் இளம் வயதினரைக் கொண்ட குழுக்களுக்கிடையே நீண்டகாலமாக முரண்பாடுகள் நிலவி வந்துள்ளன.
இந்த பின்னணியில், பழிவாங்கும் நோக்கிலேயே, வீதியில் தனியாகச் சென்ற சிறுவன் ஒருவர் கடத்தப்பட்டு, மக்கள் நடமாட்டம் குறைந்த பகுதிக்குக் கொண்டு செல்லப்பட்டு தாக்கப்பட்டதாக, விசாரணைகளில் தெரியவந்துள்ளது.
இதன்போது, பலத்த காயங்களுக்கு உள்ளான சிறுவன் மருத்துவமனையில் சிகிச்சையின் பின்னர் வீடு திரும்பியுள்ளார்.
இந்தச் சம்பவத்தின் போது பதிவு செய்யப்பட்ட காணொளி சமூக ஊடகங்களில் பரவியதைத் தொடர்ந்து, பாதிக்கப்பட்ட சிறுவனின் தாயார் காவல்துறையில் முறைப்பாடு செய்துள்ளார்.
அதனைத் தொடர்ந்து மேற்கொள்ளப்பட்ட விசாரணைகளில், சம்பவத்துடன் தொடர்புடைய 16 வயது சிறுவன் ஒருவர் கைது செய்யப்பட்டுள்ளார்.
அத்துடன், இந்தச் சம்பவத்துடன் தொடர்புடையதாகக் கருதப்படும் மேலும் மூவர் தலைமறைவாக இருப்பதாக காவல்துறையினர் தெரிவித்துள்ளனர்.
இந்த நிலையில், தலைமறைவாக உள்ள ஏனைய சந்தேகநபர்களை கைது செய்வதற்கான விசாரணைகள் தொடர்ந்தும் முன்னெடுக்கப்பட்டு வருவதாக தெரிவிக்கப்பட்டுள்ளது.
Latest News
2 மாதங்களுக்குப் பின் மசகு எண்ணெய் ஏற்றுமதி ஆரம்பம்!
Local
17 June 2026
லெபனானில் இஸ்ரேல் முன்னெடுத்துள்ள இராணுவ நடவடிக்கைகள் மற்றும் ஹிஸ்புல்லாவை கையாளும் விதம் தொடர்பில் தாம் திருப்தியடையவில்லை என, ட்ரம்ப் கூறுகிறார்.
Local
17 June 2026
ஏறாவூரில் 16 வயது சிறுவனை கடத்தி சென்று தாக்கிய சம்பவத்தில் ஒருவர் கைது : பலர் தலைமறைவாகியுள்ளனர்.
Local
17 June 2026
எல்- நினோ காலநிலை நிலைமையை எதிர்கொள்ள முன்கூட்டிய நடவடிக்கைகளை மேற்கொள்வதாக அரசாங்கம் கூறுகிறது.
Local
17 June 2026
ஒப்பந்தத்தை மீறினால் அதிரடி பதிலடி - ஈரான் விடுத்துள்ள பகிரங்க எச்சரிக்கை!
Local
17 June 2026
Ostrava Golden Spike தடகளத் தொடர் - ருமேஷ் தரங்க முதலிடம்!
Local
17 June 2026
இன்று தங்கம் மற்றும் வெள்ளியின் விலைகளில் அதிரடி மாற்றம்!
Local
17 June 2026
நடப்பு செம்பியன் நியூசிலாந்தை வீழ்த்தி இலங்கை மகளிர் அணி அபார வெற்றி
Local
17 June 2026
வாய்ப்பு கிடைத்ததும் எரிபொருள் விலை குறைக்கப்படும் - நளிந்த ஜயதிஸ்ஸ
Local
16 June 2026
தேசிய ஏற்றுமதி அபிவிருத்தித் திட்டம் ஜனாதிபதியிடம் கையளிப்பு: 2030க்குள் 36 பில்லியன் டொலர் இலக்கு
Local
16 June 2026
