ஹோர்முஸ் நீரிணை விவகாரம்: ஓமானுடன் கைகோர்க்கும் ஈரான்!

%E0%AE%B9%E0%AF%8B%E0%AE%B0%E0%AF%8D%E0%AE%AE%E0%AF%81%E0%AE%B8%E0%AF%8D+%E0%AE%A8%E0%AF%80%E0%AE%B0%E0%AE%BF%E0%AE%A3%E0%AF%88+%E0%AE%B5%E0%AE%BF%E0%AE%B5%E0%AE%95%E0%AE%BE%E0%AE%B0%E0%AE%AE%E0%AF%8D%3A+%E0%AE%93%E0%AE%AE%E0%AE%BE%E0%AE%A9%E0%AF%81%E0%AE%9F%E0%AE%A9%E0%AF%8D+%E0%AE%95%E0%AF%88%E0%AE%95%E0%AF%8B%E0%AE%B0%E0%AF%8D%E0%AE%95%E0%AF%8D%E0%AE%95%E0%AF%81%E0%AE%AE%E0%AF%8D+%E0%AE%88%E0%AE%B0%E0%AE%BE%E0%AE%A9%E0%AF%8D%21

பக்தாத் பயணத்தின் போது கருத்துத் தெரிவித்த ஈரானிய வெளிவிவகார அமைச்சர் அராக்சி, ஹோர்முஸ் நீரிணை குறித்த ஈரானின் தற்போதைய நிலைப்பாட்டை விளக்கியுள்ளார்.

அமெரிக்காவுடனான இறுதிக்கட்ட ஒப்பந்தத்திற்கு முன்பாக, பேச்சுவார்த்தை நடைபெறும் அடுத்த 60 நாட்களுக்கு, ஹோர்முஸ் நீரிணை வழியாகக் கப்பல்கள் சுதந்திரமாகச் செல்வதை உறுதிசெய்யும் பொறுப்பு ஈரானுக்கு வழங்கப்பட்டுள்ளது.

இந்த 60 நாட்களுக்குள், ஈரானின் ஒருங்கிணைப்பு இன்றி எந்தவொரு கப்பலும் ஹோர்முஸ் நீரிணை வழியாகப் பயணிக்க முடியாது எனத் தெரிவிக்கப்பட்டுள்ளது.

எனினும் ஹோர்முஸ் நீரிணைக்கு மாற்றாக மற்றொரு பாதையை உருவாக்க அமெரிக்கா முயற்சிப்பதாக ஈரானிய அதிகாரிகள் குற்றம் சாட்டியுள்ளனர்.

இந்தநிலையில் 60 நாட்கள் பேச்சுவார்த்தைக்குப் பிறகு, ஹோர்முஸ் நீரிணையை நிர்வகிப்பதில் ஓமானுடன் இணைந்து செயல்படுவது குறித்து ஈரான் ஆலோசித்து வருகிறது.

இந்த நிர்வாகம் நிரந்தரமானதாக இருக்கும் என எதிர்பார்க்கப்படுகிறது.

தற்போதுள்ள ஒப்பந்தத்தின்படி, பேச்சுவார்த்தை காலத்தின் முழுப் பொறுப்பும் மற்றும் நீரிணையைத் தங்கள் கட்டுப்பாட்டில் வைத்திருக்கும் தனி உரிமையும் ஈரானுக்கே உண்டு என்று ஈரானிய அதிகாரிகள் வலியுறுத்தியுள்ளனர்.