அக்குரேகொட சட்டத்தரணி தம்பதி உயிரிழப்பு: துப்பாக்கிதாரிகளுக்கு உதவியவர் மாலைத்தீவில் கைது - காவல்துறை அதிரடி!

இலங்கை அக்குரேகொட (Akuregoda) பகுதியில் கடந்த பெப்ரவரி மாதம் சட்டத்தரணி புத்திக மல்லவாரச்சி மற்றும் அவரது மனைவி உயிரிழந்த வழக்கில், துப்பாக்கிச் சூடு நடத்தியவர்களுக்குப் போக்குவரத்து வசதி செய்து கொடுத்ததாகக் குற்றம் சாட்டப்பட்ட முக்கிய சந்தேக நபர் மாலைத்தீவில் கைது செய்யப்பட்டுள்ளார்.

அவர் மாலைத்தீவில் பாதுகாப்புப் படையினரால் கைது செய்யப்பட்டு, நேற்று (04) நாட்டிற்கு அழைத்து வரப்பட்டுள்ளார்.

பின்னர் மேலதிக விசாரணைகளுக்காக அவர் மேல் மாகாண தெற்கு குற்றப் பிரிவிடம் ஒப்படைக்கப்பட்டுள்ளார் என்பதை இலங்கை காவல்துறையினர் உறுதிப்படுத்தியுள்ளனர்.