துருக்கி வானூர்தியில் பறவை மோதியதில் பரப்பரப்பு - கட்டுநாயக்கவில் தரையிறக்க முயற்சி

குறித்த வானூர்தி 253 பயணிகள் மற்றும் 10 பணியாளர்களுடன் கட்டுநாயக்கவிலிருந்து துருக்கியின் இஸ்தான்புல் நோக்கிப் புறப்பட்டது.

வானூர்தி புறப்பட்ட சிறிது நேரத்தில் பறவை ஒன்று மோதியதால், பாதுகாப்பு காரணங்களுக்காக வானூர்தியை மீண்டும் தரையிறக்க விமானி தீர்மானித்தார்.

எரிபொருளைக் குறைத்த பின்னர், குறித்த வானூர்தி கட்டுநாயக்க வானூர்தி நிலையத்தில் பாதுகாப்பாகத் தரையிறைக்கப்படவுள்ளது.

இந்தச் சம்பவம் தொடர்பான மேலதிக விசாரணைகளை சிவில் வானூர்திப் போக்குவரத்து அதிகார சபை மேற்கொண்டு வருகிறது. பயணிகளின் பாதுகாப்பு கருதி வானூர்தி நிலைய அவசர கால நடவடிக்கைகள் பலப்படுத்தப்பட்டுள்ளன.