H5N1 பறவைக் காய்ச்சல் தீவிரமடைய வாய்ப்பு

H5N1+%E0%AE%AA%E0%AE%B1%E0%AE%B5%E0%AF%88%E0%AE%95%E0%AF%8D+%E0%AE%95%E0%AE%BE%E0%AE%AF%E0%AF%8D%E0%AE%9A%E0%AF%8D%E0%AE%9A%E0%AE%B2%E0%AF%8D+%E0%AE%A4%E0%AF%80%E0%AE%B5%E0%AE%BF%E0%AE%B0%E0%AE%AE%E0%AE%9F%E0%AF%88%E0%AE%AF+%E0%AE%B5%E0%AE%BE%E0%AE%AF%E0%AF%8D%E0%AE%AA%E0%AF%8D%E0%AE%AA%E0%AF%81

அவுஸ்திரேலியாவில் H5N1 பறவைக் காய்ச்சல் மேலும் பரவுவதற்கு வாய்ப்புள்ளதாக அந்தநாட்டு அரசாங்கம் எச்சரித்துள்ளது.

அடிலெய்டு நகருக்குத் தெற்கே உள்ள Cape Jaffa கடற்கரைப் பகுதியில், உலங்கு வானூர்தி கண்காணிப்பின் போது 49 இறந்த மற்றும் 35 நோய்வாய்ப்பட்ட 'கிரேட்டர் க்ரெஸ்டெட் டெர்ன்' (Greater Crested Terns) கடல் பறவைகள் கண்டறியப்பட்டன.

பரிசோதனையில் அவற்றுக்கு H5N1 வைரஸ் தொற்று இருப்பது உறுதி செய்யப்பட்டுள்ளது.

இது குறித்துப் பேசிய வேளாண் அமைச்சர் ஜூலி காலின்ஸ், வனவிலங்குகள் மத்தியில் இந்தத் தொற்று மேலும் பரவுவதையும், அதிக எண்ணிக்கையிலான விலங்குகள் பாதிக்கப்படுவதையும் இனி எதிர்பார்க்கலாம் என்று தெரிவித்துள்ளார்.

கடந்த ஜூன் மாதம் வைரஸ் முதன்முதலாகக் கண்டறியப்பட்டதிலிருந்தே பாதுகாப்பு நடவடிக்கைகள் தீவிரப்படுத்தப்பட்டுள்ளன.

இதுவரை அவுஸ்திரேலியப் பண்ணைகளில் வைரஸ் பரவியதற்கான எந்த ஆதாரமும் இல்லை.

காட்டுப் பறவைகள் மற்றும் விலங்குகளின் இடப்பெயர்ச்சியைத் தடுக்க முடியாது என்பதால், இதுபோன்ற பெருமளவிலான உயிரிழப்புகள் மேலும் தொடரக்கூடும் என சுற்றுச்சூழல் அமைச்சர் முர்ரே வாட் தெரிவித்துள்ளார்.

H5N1 வைரஸ் பாதிப்பைப் பதிவுசெய்த கடைசி கண்டம் ஆஸ்திரேலியா ஆகும்.

உலகளவில் பல நூறு மில்லியன் பறவைகள் மற்றும் பாலூட்டிகள் இந்த வைரஸால் உயிரிழந்துள்ளன.

பாதிக்கப்பட்ட விலங்குகளுடன் தொடர்பில் இருக்கும் மனிதர்களுக்கு இந்தத் தொற்று பரவ வாய்ப்புள்ள போதிலும், உலகளவில் இதன் பாதிப்பு மிகக் குறைவாகவே உள்ளதால் மனிதர்களுக்கான ஆபத்து குறைவு என அதிகாரிகள் உறுதி அளித்துள்ளனர்.