ஈட்டி எறிதலில் வரலாற்றுச் சாதனை - சார்ஜன்ட் ஆகப் பதவி உயர்வு பெற்றார் ருமேஷ் தரங்க!

இலங்கையின் ஈட்டி எறிதல் நட்சத்திர வீரர் ருமேஷ் தரங்க,இலங்கை வான் படைத் தளபதி எயார் மார்ஷல் வசு பந்து எதிரிசிங்கவால், கோப்ரல் பதவியிலிருந்து சார்ஜன்ட் பதவிக்கு உயர்த்தப்பட்டுள்ளார்.

இலங்கை வான் படைத் தளபதி எயர் மார்ஷல் வாசு பந்து எதிரிசிங்கவினால் இந்தச் சிறப்புப் பதவி உயர்வு வழங்கப்பட்டுள்ளது.

இதற்கு மேலதிகமாக, அவருக்குச் சிறப்புப் பணப்பரிசொன்றையும் வான் படைத் தளபதி வழங்கி வைத்துள்ளார்.

அத்துடன், ருமேஷ் தரங்கவின் இந்தச் சிறந்த வெற்றிக்குப் பின்னால் இருந்த அவரது பயிற்றுவிப்பாளர் டோனி பிரசன்ன மற்றும் உடலியல் சிகிச்சை நிபுணரான கோப்ரல் சந்திம குருசிங்க ஆகியோரின் சேவையைப் பாராட்டி, அவர்களுக்கும் பணப்பரிசுகள் வழங்கி கௌரவிக்கப்பட்டன.