'விசேட மருத்துவ மற்றும் விசேட பல் மருத்துவ சேவை' என்ற புதிய சேவைப் பிரிவை ஸ்தாபிக்க அமைச்சரவை ஒப்புதல்!

இலங்கையின் சுகாதாரச் சேவையில் 'விசேட மருத்துவ மற்றும் விசேட பல் மருத்துவ சேவை' எனும் பெயரில் புதிய சேவைப் பிரிவொன்றை ஸ்தாபிப்பதற்கு அமைச்சரவை ஒப்புதல் அளித்துள்ளது.

இலங்கையின் சுகாதாரச் சேவையில் இந்தப் புதிய சேவைப் பிரிவை உருவாக்குவது தொடர்பிலான பரிந்துரைகளை முன்வைப்பதற்காக நியமிக்கப்பட்ட அதிகாரிகள் குழு, இது குறித்த விரிவான கலந்தாய்வை மேற்கொண்டு தனது அறிக்கையைச் சமர்ப்பித்துள்ளது.

குறித்த அறிக்கையின் பரிந்துரைகளைக் கருத்திற்கொண்டு, இந்தப் புதிய சேவைப் பிரிவை ஸ்தாபிப்பதற்கும், அதற்குரிய சேவைப் பிரமாணக் குறிப்பை வரைவதற்கும் இதற்காக, சுகாதாரம் மற்றும் வெகுசன ஊடக அமைச்சின் செயலாளர் தலைமையில் உத்தியோகபூர்வ அதிகாரிகள் குழுவொன்றை நியமிக்கச் சுகாதாரம் மற்றும் வெகுசன ஊடக அமைச்சர் சமர்ப்பித்த யோசனைக்கு அமைச்சரவை அங்கீகாரம் அளித்துள்ளது.